الرئيسية
وفي قصر الحاكم ...
ـ تناول الحاكم دواء الضغط ثم قال لكبير اليوران :
ـ وبعدين بقه في حركة ( هوينا ) دي .. مش يتلمو شويه بدل ما أسود عيشتهم ..
ـ ما هيا سوده أساساً ..
ـ بتقول حاجه ؟؟!
ـ قصدي يعني هما متحاميين في جمعية حقوق الإنسان يا معالي الحاكم .
ـ ثم ابتلع دواء السكر وقال : حقوق إيه بس هما مش بياكلو فول كل يوم وعايشيين ؟! .. أعملهم إيه تاني بس ؟؟؟!!
ـ ما هما بيطالبو بحجات تانيه غير الفول .
ـ يتناول منظم ضربات القلب ، ويتابع :
ـ خلاص .. نزلو ليهم طعميه .. خليهم يعيشو عيشة الملوك .. بس بالسعر السياحي ..أه . إحنا مش هندعم كل حاجه . نجيب منين ؟
ـ لا يا أفندم .. مش عاوزين طعميه .. هما بيطالبو بحاجه غريبة كده .. اسمها ؟؟ اسمها ( يطلع من جيبه ورقه صغير ) اسمها دومقراطيه
ـ يستنشق موسع الشعب الهوائية ويصرخ ... مين ؟؟ ديمو ايه ؟ .. الله يخرب بيت الدش .. بوظ أخلاق الشعب .. طيب يا سيدي شوف ليهم الهبابه دي . وهاتلهم منها شوية . بدل ما كل شويه يقولو هوينا .. هوينا .. بس برضه بالسعر السياحي . .. إحنا هندعم الكماليات كمان ولا ايه ؟؟
ـ طيب يا أفندم .. في كمان طلب غريب من وزير الثقافة .
ـ ياخد مذيب الجلطة ويصرخ :
ــ خير عاوز ايه هو كمان ؟؟ لو عاوز دعم قولو مفيييش .. مفييييييييييش ؟؟ أسرقلوووووو
ـ لا دا عاوز حاجه غريبه قوي .. عاوز .. أس ... أس
ـ السلامو عليكو .. إنت هتغني .. أنا مش فاضيلكم حلقة كابتن ماجد قربت تيجي .. إتكلم على طول ..
ـ أستقالة .
ـ دا يوم إيه المهبب ده ؟ دموقراطيه .. ، و استقالة ؟ أنا اصطبحت بوش مين بس ؟! .. أنا قلت البلد دي مينفعهاش دش . تطلع إيه الاستقاله دي كمان ؟
ـ و الله يا جناب الحاكم مش عارف .. إنما نسأل يا أفندم .. نسأل .
ـ تسأل بسرعه يا زفت .
ـ حاضر يا أفندم .. أي أوامر تانيه ؟
ـ أه شغل الدش على سبيس تون وغور في داهيه .
ـ وبعد يوم ..
ـ مساعد وزير الداخلية مقدم طلب استقاله يا جناب الحاكم
ـ يا نهار أبوه أسود .. لا لا .. دا بعده .. الأمن هيفضل مستتب . طول ما أنا في موقعي .. مين عارف الاستقاله دي بتعمل إيه .. جايز تخليه يمسك الداخلية .... تسأ لنا على الاستقاله دي في أسرع وقت . اتصل ببلاد بره اسألهم عنها .. معاك رصيد ..
ـ لا سعادتك .. أنا فـ السماح .
ـ طيب خد موبايلي
ـ أحم ... ما هو مسروق يا أفندم ولسه ما لاقيناهوش .
ـ طب و الحل ..
ـ في حل واحد .. اتغدي بيه قبل ما يتعشي بيك ، وقدم إنت كمان على استقاله .
ــ و الله فكره .
ـ و بعد يومين تلاته ،،،،،
يدخل كبير اليوران :
ـ ها .. سألتلنا على الاستقاله دي تطلع ايه ؟؟
ـ سألت يا أفندم .. محدش فاهم حاجه خالص . مفيش حد في الدول العربية ولا الأفريقية يعرف عنها حاجه .. حتى في كل القواميس السياسية العربية ملهاش أي أثر .
ــ أمال الجدع دا جابها منين ؟؟!
ـ أنا سمعت طشاش كده .. إن في بلاد بره الرئيس بيوافق على الاستقاله للوزير لما يكون الوزير عمل حاجه كبيره أوي .
ـ كبيرة إيه ... دول بهايم .. هو حد بيعمل حاجه من نفسه ... كله بتوجيهاتي .. ، طب و العمل يا زفت ؟!!
ـ أنا رأيي سعادتك إن كده ولا كده إحنا نرفض الطلب ، و الباب الي يجيلك منه الريح سده .. لو طلعت كويسه مش بعيد تلاقي كل الوزرا مقدمين على استقاله ؟؟
ـ علي رأيك ... هيا كتر استقالات .. أنا هجيب منين بس ؟!!!
ـ وفي وزارة الثقافة ... وزارة أول وزير يقدم استقاله ...
(( الوفد الأجنبي وصل يا أفندم ))
انتظرو الجزء الثالث هيعجبكم اوووى
ـ تناول الحاكم دواء الضغط ثم قال لكبير اليوران :
ـ وبعدين بقه في حركة ( هوينا ) دي .. مش يتلمو شويه بدل ما أسود عيشتهم ..
ـ ما هيا سوده أساساً ..
ـ بتقول حاجه ؟؟!
ـ قصدي يعني هما متحاميين في جمعية حقوق الإنسان يا معالي الحاكم .
ـ ثم ابتلع دواء السكر وقال : حقوق إيه بس هما مش بياكلو فول كل يوم وعايشيين ؟! .. أعملهم إيه تاني بس ؟؟؟!!
ـ ما هما بيطالبو بحجات تانيه غير الفول .
ـ يتناول منظم ضربات القلب ، ويتابع :
ـ خلاص .. نزلو ليهم طعميه .. خليهم يعيشو عيشة الملوك .. بس بالسعر السياحي ..أه . إحنا مش هندعم كل حاجه . نجيب منين ؟
ـ لا يا أفندم .. مش عاوزين طعميه .. هما بيطالبو بحاجه غريبة كده .. اسمها ؟؟ اسمها ( يطلع من جيبه ورقه صغير ) اسمها دومقراطيه
ـ يستنشق موسع الشعب الهوائية ويصرخ ... مين ؟؟ ديمو ايه ؟ .. الله يخرب بيت الدش .. بوظ أخلاق الشعب .. طيب يا سيدي شوف ليهم الهبابه دي . وهاتلهم منها شوية . بدل ما كل شويه يقولو هوينا .. هوينا .. بس برضه بالسعر السياحي . .. إحنا هندعم الكماليات كمان ولا ايه ؟؟
ـ طيب يا أفندم .. في كمان طلب غريب من وزير الثقافة .
ـ ياخد مذيب الجلطة ويصرخ :
ــ خير عاوز ايه هو كمان ؟؟ لو عاوز دعم قولو مفيييش .. مفييييييييييش ؟؟ أسرقلوووووو
ـ لا دا عاوز حاجه غريبه قوي .. عاوز .. أس ... أس
ـ السلامو عليكو .. إنت هتغني .. أنا مش فاضيلكم حلقة كابتن ماجد قربت تيجي .. إتكلم على طول ..
ـ أستقالة .
ـ دا يوم إيه المهبب ده ؟ دموقراطيه .. ، و استقالة ؟ أنا اصطبحت بوش مين بس ؟! .. أنا قلت البلد دي مينفعهاش دش . تطلع إيه الاستقاله دي كمان ؟
ـ و الله يا جناب الحاكم مش عارف .. إنما نسأل يا أفندم .. نسأل .
ـ تسأل بسرعه يا زفت .
ـ حاضر يا أفندم .. أي أوامر تانيه ؟
ـ أه شغل الدش على سبيس تون وغور في داهيه .
ـ وبعد يوم ..
ـ مساعد وزير الداخلية مقدم طلب استقاله يا جناب الحاكم
ـ يا نهار أبوه أسود .. لا لا .. دا بعده .. الأمن هيفضل مستتب . طول ما أنا في موقعي .. مين عارف الاستقاله دي بتعمل إيه .. جايز تخليه يمسك الداخلية .... تسأ لنا على الاستقاله دي في أسرع وقت . اتصل ببلاد بره اسألهم عنها .. معاك رصيد ..
ـ لا سعادتك .. أنا فـ السماح .
ـ طيب خد موبايلي
ـ أحم ... ما هو مسروق يا أفندم ولسه ما لاقيناهوش .
ـ طب و الحل ..
ـ في حل واحد .. اتغدي بيه قبل ما يتعشي بيك ، وقدم إنت كمان على استقاله .
ــ و الله فكره .
ـ و بعد يومين تلاته ،،،،،
يدخل كبير اليوران :
ـ ها .. سألتلنا على الاستقاله دي تطلع ايه ؟؟
ـ سألت يا أفندم .. محدش فاهم حاجه خالص . مفيش حد في الدول العربية ولا الأفريقية يعرف عنها حاجه .. حتى في كل القواميس السياسية العربية ملهاش أي أثر .
ــ أمال الجدع دا جابها منين ؟؟!
ـ أنا سمعت طشاش كده .. إن في بلاد بره الرئيس بيوافق على الاستقاله للوزير لما يكون الوزير عمل حاجه كبيره أوي .
ـ كبيرة إيه ... دول بهايم .. هو حد بيعمل حاجه من نفسه ... كله بتوجيهاتي .. ، طب و العمل يا زفت ؟!!
ـ أنا رأيي سعادتك إن كده ولا كده إحنا نرفض الطلب ، و الباب الي يجيلك منه الريح سده .. لو طلعت كويسه مش بعيد تلاقي كل الوزرا مقدمين على استقاله ؟؟
ـ علي رأيك ... هيا كتر استقالات .. أنا هجيب منين بس ؟!!!
ـ وفي وزارة الثقافة ... وزارة أول وزير يقدم استقاله ...
(( الوفد الأجنبي وصل يا أفندم ))
انتظرو الجزء الثالث هيعجبكم اوووى
