فلسفه الحمار

عجبى عليك يا ابن ادم يا كبير الدار
قومت الدنيا وما قعدتها لما قالولك حمار
هو اسمى ده شتيمه ولا جنسى ده عار
خلقنى ربى وخلقك ومحدش بايدوا الاختيار
مهما زاد الحمل عليا صابر على المشوار
لا ف يوم ارفع عينى على جارتى وبصون الجار
ولا يوم ابص لرزق غيرى واطق منو واغار
ولا مهر ادف لحمارتى ولا خواتم ولا اسوار
ولا شقه اجمع فى حقها ولا اجهز دار
ولا مراتى حامل بتتوحم عاوزة كافيار
ولا بنت تخرج عن طوعى وتجيب لى العار
ولا ابن يدمن ويهلوس ويوقع وينهار
عايش فى حالى ومتهنى وليه احتار
باكل وبشرب وبنهق ومعنديش اسرار
وعندى ابن ادم يخدمنى ليل ونهار
اذا جعت يشترى برسيمى باغلى الاسعار
واذا تعبت يعالجنى ويدعى الستار
خادم امين من غير راتب ولا حتى ايجار
عرفت يا ابن ادم مين فينا طلع الحمار

عرفت يابن ادم مين هو الحمااااار
بجد موضوع جاااامد وحلو اوووووى فلسفة الحمار

هى اكيد يا فيبا حاجه من اللى انت قولتهم
ميرسى يا جميل على مرورك

بجد الحمار ده استاذ ورئيس قسم فى الفلسفه
ميرسى ليك يوسف على مرورك