ثالث عضو ع كرسى الاعتراف اااااااه ميمى

habiba كتب:
اسئله حبيبه وربنا يستر
بسم الله

1_اولا اوصفلنا شكلك العام يعنى وشك طولك عرضك كده يعنى بس بلتفصيل ؟
الطول ممكن 160 سم
العرض مش تخين ولا رفيع يعنى
الوش زى اى انسان

2_ايه اللى بيلفت نظرك فى اى بنت واللى بتبص عليه فى البنت؟
اولا لبسها
ثانيا عنيها

3_حبيت كام مره؟ وهل نجحت ولا لاء؟ وايه سببها
مره واحده لن تنجح بسب انى خفت من انها متوافقش

4_لو جه اسلام ووائل وكل واحد طلب فيهم ايد اختك هتتديها لمين فيهم ؟وليه؟ وخلى بالك انا بقول لو عشان مش تتهرب من السؤال
انا اولا اخواتى واحده متجوزه والتانيه مخطوبه بس فى الحاله دى للى هيا توافق عليه

5_مين اكتر واحد من صحابك بتثق فيه اوى؟اذكر واحد بس
انا بثق فى الكل والله بس اكتر من كده مظنش انى اقول حاجه

6_لومعاك باقه ورد هتهديها لمين ولو معاك باقه شوك هتهديها لمين؟
اما باقه هديها لامى لانها استحملتنى كتير
اما باقه شوك لانسان فكرت فى يوم من الايام انه صاحبى
7_قولى ايه اكتر موقف اتحرجت فيه اوى
يوم وفاه خالتى داخل اعزي ابن خالتى قمت ضاحك فى وشه بقى شكلى زباله بجد

روحى ناميلك اسبوع بقى يا حبيبه وانا هبقى اخلى ماما تصحيك بس بعد اسبوع
وعليكم السلام ورحمه الله وبركاته

الماجيك كتب:
اول اسئله الماجيك ويارب تكون اخرها لان محدش يعرفه زيى
بسم الله
1-اخر مرة عاكست بنت كانت امتى ( بصراحة مش لازم تكدب?
امبارح بالليل
2-لو قابلت بنت فى مرة وحسيت ان دى اللى بتدور عليها وحاولت تكلمها نفضتلك هتعمل اية ؟
معتش افكر فى بنات لمده 3 دقايق وبعد كده عادى لانى محبيتهاش
3-مانظرتك للبنت ذات الملابس الخارجة على الادب ؟
تبقى بنت متربيتش لا هيه ولا البيت اللى هيا جايه منها
بس كل بلد وليها عادتها وتقاليدها
4- اذا اردت ان تبكي الان , فعلى من تبكى وتختار من يمسح دموعك
على الانسانه اللى فكرت انى اكلمها
واختارها تمسحلى دموعى
5-ماهو العيب الذي تتمنى التخلص منه في شخصيتك
انى اما ببقى مبسوط ممكن اعمل اى حاجه ومبعرفش امشى هادى
كم نسبة احترامك للبنت ؟؟
احترامى للبنت ده بقى ع حسب فى ماحده متربيه دى احترامها بيكن فوق 100% وواحده مش متربيه دى احترامها تحت 0%
ماشى يا ماجيك فين عصير الليمون

habiba كتب:ونقول المووووووووووووووو لممث اللى والله صعبان عليه يلا بس هنعمل ايه

1_امتى انبك ضميرك؟وكان ع ايه؟
انهارده الصبح كان فى راجل كبير بيضرب طفل صغير وكسلت انزل احجز

2_اوصف كل من الاشخاص دول (_اسلام_وائل _ انا_سجده_الصغير)

اسلام :اول واحد عرفته فى اصحابى حاليا
وائل:الانسان اللى شفته بيحب بجد
حبيبه:ربنا يرينى فيها يوم اختى اللى انا لسه مشوفتهاش
سجده:اختى برده اللى انا لسه مشوفتهاش
الصغير :انسان حسيت انا راجل بجد مع انى مشوفتوش بس بتمنى انتى اقابله ع خير

3_لو خيروك بانسانه ضحت بحياتها عشانك وبين كابو هتختار مين؟ وليه؟

الكابو لان الصاحب مبيتعوضش انما الحب ممكن تعوضه
4_هل انت بتدخن(بتشرب سجاير)؟ ومن امتى؟ وكان ايه السبب اللى شربت السجاير عشانها ؟ده لو انت بتشرب
انا حاليا لاببطل بس كنت بدخن علشان دخلت ثانوى وانا مكنتش عاوزها وكنت بدخن من حوالى 3 سنين

5_لو لاقيت اميل الانسانه اللى انت بتحبها عند ميل اقرب الناس ليك هتعمل ايه؟
لو انا كلمتها وقولتيلها وهى وافقت اطلب منه انه يمسح الميل بتاعهاولو موافقش اخليها هي تقوله امسحه

6_كام ميل بنت عندك ع الاميل؟وكام نمره بنت عندك ع الموبايل؟
ع الميل 3 بنات
وع الموبايل2

7_ايه اكتر حاجه وجعتك فى حياتك كلها؟
سفر اختى بجد بجد مفتقدها ونفسى ترجع تانى

8_نقطه ضعفك ايه يا ميمى؟
انى مبحبش ان حد يزعل منى او يعمل مشاكل بسببى وبالذات صحابى

9_لو خيروك بين مامتك وباباك مين الاقرب اللى قلبك هتختار مين؟
مامتى

10_لو قالولك اختار اى عضو وقول رائيك فيه هتختار مين ؟وتقول ايه رايك فيه
انا هختار اتنين الماجيك والكابو لانهم بجد رجاله اوى ووقت اما تحتاجهم تلاقيهم



وعليكم السلام ورحمه الله وبركاته

sagda كتب:اسئله سجده
ميمىىىىىىىىىىى مش جاهز
معانا يا رب


1- ايه هو اكتر سؤال خايف انك تتسأله ؟؟؟؟؟؟؟
اتسال واللى كان كان وهوه مين اكتر واحد بتثق فيه


2- جاوب على السؤال اللى انت خايف منه بقا ههههههههههههههههه؟؟؟
ههههههه ماشى يا سجده
انا قولت انى بثق فى الكل اللى انا اعرفهم اكتر من كده مظنش انى اقول حاجه
3- هل انت راضى عن نفسك طول الوقت ولا انت دائم العتاب والوم لنفسك ؟
لا انا راضى عن نفسى ع طول ولا انا دائم اللوم والعتاب ع نفسى لانى مبعتبش ع نفسى الا لما اكون عملت حاجه غلط وبينى وبينكم بيبقى بعد فوات الاوان

4- بتحكم مين اكتر ف اتخاذك لقرار قلبك ولا عقلك ؟
العقل طبعا لان قلبك بطبعه حنون

5- بتاخد رأي حد ؟ لو اه هو مين ؟
انا باخد براى والدتى ووالدى واصحابى واخواتى وبعد كده اقعد مع نفى واشوف انا هعمل ايه بقى دى بتبقى حاجه ترجعلى انا

6- مين اكتر حد اثر ف شخصيتك ؟
اخويا الكبير

7- لو قولتلك اتمنى حاجه دلوقتى هتتمنى ايه ؟
انى اشوف اختى بــــــــــــــــــــــــــــــــــــــــــــس

8- ياترى حصل واخدت قرار وندمت عليه ؟
ايون يوم ما كانت اختى مسافره وانا مردتش اروح اوصلها المطار

9- ميمى غمض عينك بسرعه يلا جرى .... فتح بقا واوصفلى ايه الصوره اللى شوفتها وانت مغمض ؟ واياك تقولى الدنيا كانت ضلمه ومشوفتش حاجه
انا مش هقولك ان الدنيا كانت ضلمه ولا حاجه انا غمضت عونيه واتخيات باختى وابنها لانها بجد وحشانى مووووووووووووووووووووت

10- هل انت من النوع الضعيف امام حبيبه ولا كرامتك اولا وقبل كل شىء ؟
انا ع العموم محبيتش قبل كده الا مره واحده ومصريحتهاش بس اذاكنت حبيت ولا لا انا كرامتى اولا لان الانسان اللى ملهوش كرامه زى البيت اللى من زجاج اللى رايح واللى جاى شايف جواه ايه

امال لو مكنتش صعبت عليكى كنتى عملتى فيا ايييييييييييييه

بكره يجيلك يوم تتمنى منى السماح

habiba كتب:
حسبى الله ونعم الوكيل منك يا حبيبه

1_ايه اكتر حلمت بيه ومتحققش؟
انى اكلم الانسانه اللى حبيتها واصارحها

2_هل انت بتصلى ؟ ومن امتى؟
سعات وساعات ده بقى من زومان

3_ايه اليوم اللى انت استحقرت فيه نفسك عشان عملت حاجه غلط؟
يوم وفاه خالتى ساعه اما ضحكت فى وش ابن خالتى

4_كام مره اتنازلت عن مبادئك؟ وليه؟
ولا مره الا اذا كنت بصلح بين اتنين

5_عندما تكون معجب بفتاه ايه الطريقه اللى هتحالو تصول لقلبها؟
لو كنت اعرف كنت وصلت للانسانه اللى حبيتها

6_لو حد خانك مع اهل بيتك هتعمل ايه؟
الحمد لله مفيش حد عندنا فى البيت يعرف الخيانه

روحى نامى يا حبيبه ناميلك اسبوع كده ولا حاجه
وعليكم السلام ورحمه الله وبركاته

الكابو كتب:
مين اللى قال اسال انشك فى زوره اللى قال اسال

1_ما هو املك فى الحياة ؟
انى اعيش حياه سعيده
2_اوصف نفسك بكلمتين وبعدين اوصف وائل وبعدين يا عم اوصفنى هه ؟
انا مش هعرف اوصف نفسى ده اولا
ثانيا :الماجيك رمز الحب
ثالثا الكابو رمز الاخوه
3_اكتر موقف اترعبت فية يعنى خوفت ؟
منا عارف ان الرعب هوه الخوف كنت فى مره ماشى انا واتنين من صحابى دخلنا فى شارع عتمه وكنا بالليل وطلعنا منه لقينا نفسنا معكوكين دم من ايه الله اعلم
4_اية موصفات شريكت حياتك ؟
اولا الادب والاحترام وبعد كده ندور ع الجمال ومتكونش برده يعنى حجم عائلى لا تبقى مش رفيعه قوى ولا تخينه بس من غير قوى وتكون صبوره يعنى بتصبر لحد يفكرها سبوره من اللى بيكتبوا عليها فى المدرسه
5_كلمة تحب ان تهديها لكل من ( حبيبة ــــــ الماجيك ــــــــــ الكابو ــــــــــ سجدة ــــــــــــ الصغير ) ؟
انا ههدى للكل كلمه واحده فقط اخواتى
6_بص بقى انا اعرفك يمكن اكتر من نفسك اوصف لاصدقئنا ميمي ؟
بص بقى انا مش هعرف اوصف نفسى وان كان ع الطول والجسم وكده فانا جاوبت ع السؤال ده من قبل فى اسئله حبيبه غير كده ممكن انت اللى توصفنى ليهم

مش هتنسانى .بكره هتجينى يومها تبكى ويخنقك غرورك هتقولى ارحمنى وانا لازم ارحمك دا انت اخويا ياد انتيم انتيم يعنى

MIROO كتب:
اسئله ميرو
اتفضلى اسالى وان شاء الله مفيش تعب ولا حاجه
1/ مين اكتر شيخ تحب تسمعه
محمد حسين يعقوب وده احيانا

2/ عملت ايه لما عرفت بالاساءه الى رسول الله
والله علشان مبقاش كداب الناس عملت مظاهره مشينا فيها ولفينا البلد وبعد كده كل واحد رجع زى ما كان

3/ ما هى الحكمه التى تؤمن بها
صاحب صاحبك ع عيبه ومتصحبوش ع اللى فى جيبه لان الصاحب هوه اللى بيقدر يعدل من صاحبه

4/من اكثر شخص تخاف من عتابه
الصديق

5/ايه اكتر حاجه اتمنتها فى حياتك
انى اطلع والدتى تحج

6/ بتعمل ايه فى حياتك غير النت
والله بشتغل وبدرس

7/ ايه اكتر موضوع عجبك بجد فى المنتدى
والله هى مواضيع كتيره عجبتنى

8/فى حاجات مهمه لينا وعند كل انسان ليها معنى
مختلف ممكن اعرف معناها عندك

(الحياه -السعاده -الحب -الكراهيه -الخيانه -الموت)
الحياه : حقيقه مزيفه
السعاده اوقات فرح معدوده
الحب :مش عارف بس اسمع ناس تقول اجمل شى فى الدنيا وناس تقول اسوء شئ فى الدنيا وانا مش هعرف اجاوبك لانى مجربتش
الكراهيه: حقد ع الانسان من انسان اخر
الخيانه :اسوء شئ فى الدنيا بيتهيالى مفيش اسوء من الخيانه
الموت :هو الحقيقه الوحيده
انتى مطولتيش يا قمر ولا حاجه

وعليكم السلام ورحمه الله وبركاته