الرئيسية
النهاردة يسعدنى اقدم لكم ولاول مرة
فضائح الصبيان فى الاتوبيسات
طبعا كلنا عارفين وبنشوف الاتوبيسات واللى وبيحصل فيها
ومعذرة يعنى انا بقول اتوبيسات لان مش دى الى يتقال عليها باص
مبدأيا هعرفك يعنى اية اتوبيسات
اتو = auto
بيسات = جمع كلمة بيس
auto بيس : بدماغنا احنا حاليا الى هى اعمل الى على هواك كل شئ مباح
نرجع بقى لموضوعنا وهو الصبيان جوة الاتوبيس
النوع الاول
الرزين
ودا بقى بيركب جوة الاتوبيس بعقل وحكمة ، عندة مهارة عالية وحنكة فى المرور بين الناس محافظا على لمعة جزمته زي ماهى ، يقعد على الكرسى يفضل يبص فى الناس ويتفرج عليهم فى هدوء ـ ولما يجى ينزل يقول للسواق بتناكة - على جنب يا اسطى
النوع التانى
المشاكس
النوع دا بقى تلاقية داخل الاتوبيس يقول شكل للبيع ـ يجرى يزاحم الناس على الباب ويحشر كتفة ف كتف اي حد طالع ويزنقة فى الباب ويزعق فية ويقولة اية يا عم انتوا هتاخدوا الاتوبيس لحسابكم ولا فاكره الابعادية الى ابوك جابهالك ،، يقعد على كرسى ورا اى بنت يفضل يلعب فى دبوس التحجيبة بتاعتها معتقدا انها مهارة منه انه بيلمس الدبوس وهى مش حاسة بية
النوع التالت
الاراجوز
ودا بقى تلاقية عمال يتنطط فى الاتوبيس كلة ، شوية قدام وشوية ورا ، حبة فوق على شبكة الشنط ، وشوية تحت الكراسى ، بيحاول يلفت النظر لة بأى طريقة ويستنى لما يكون فى وسط الاتوبيس وفى معمه الزحمه وينادى اوى ويقول على جنب يا اسطى ، الكل يتخنق منه ويقول لسة هينزل ويوقف الدنيا ويعطلنا ، لكن فى لمح البصر تلاقى الواد ركب الشباك ودلدل رجلة برة ونط من الشباك وهو بيضحك
النوع الرابع
البصباص
دا بقى يركب منه هنا يقف ع الباب يبص فى وشوش البنات ويدور على مزة حلوة يقوم رايح راشق جنبها ولا واحدة واقف يروح يقف وراها ، ويفضل عامل فيها عبيط وعمال يسبل ويبحلق فى الى واقفة والى طالعه والى نازلة وعادة بيكون لابس نضارة شمس علشان يقدر يمارس هواياته بحرية اكبر ـ ودا مش بينزل من الاتوبيس الا لما يتلم علية نص الركاب ويرقعوا الجزم فوق دماغه دا بعد ما تكون واحدة صرخت انه بيتحرش بيها
النوع الخامس
الثرثار
دا بقى تلاقية لابس تيشرت رياضى على بنطلون جينز وواقف وسط شلة من صحابة عمال يبص على بنت ومركز عليها اوى وبيحكى فى امجادة وبطولاته ، وامبارح الكابتن حمادة قالى انى هدخل فى بطولة الجمهورية الجاية ورشحنى علشان امسك كابتن الفريق وانا قولتله لا يا كابتن انا مش فاضى وعندى مسابقات دولية تانية ،
او تلاقية داخل وماسك الموبايل حاطة على ودنه وعمال يكلم واحد صاحبة ياعم انت بس كلمها وقولها انى بعاملها زي اختى وبس وانا عمرى ما وعدتها بحاجه وبعدين هو انا كل واحدة اكلمها تقولى اتجوزنى انا لسة معمول معايا الحوار دا بقى من فيفى وميمي وسوسو وتوتو و و و و ويخنق كل الى حوالية
النوع السادس
ابو السلاطين
يركب من هنا ويكبس علية النوم ، على كتف الى جنبة شوية ولا ظهر الى قدامه شوية ويتثآب فى وش الى قدامه ، ومطلع عين كل الى حوالية مع انك تبصل لمنظرة تحس انه نايم بقالة 3 ايام وتيجى تكلمه يقولك الشغل والشقى والبهدلة
النوع السابع
المحترف
دا بقى استاذ نصب ـ بيعرف ينقى الوقف المناسب وبيختار التوقيت الصح ويروح قايل للكمثرى هات باقى النفر من 5 جنيه ، الكمثرى يبص فى ايدة يلاقى 5 جنيه بس هو فاكر انه مخدش حاجه من الاخ دا ولكن مع اصرار الولد بيضطر يدفع لة الباقى ــ وفى نوع تانى متخصص موبايلات او شنط حريمى
فضائح الصبيان فى الاتوبيسات
طبعا كلنا عارفين وبنشوف الاتوبيسات واللى وبيحصل فيها
ومعذرة يعنى انا بقول اتوبيسات لان مش دى الى يتقال عليها باص
مبدأيا هعرفك يعنى اية اتوبيسات
اتو = auto
بيسات = جمع كلمة بيس
auto بيس : بدماغنا احنا حاليا الى هى اعمل الى على هواك كل شئ مباح
نرجع بقى لموضوعنا وهو الصبيان جوة الاتوبيس
النوع الاول
الرزين
ودا بقى بيركب جوة الاتوبيس بعقل وحكمة ، عندة مهارة عالية وحنكة فى المرور بين الناس محافظا على لمعة جزمته زي ماهى ، يقعد على الكرسى يفضل يبص فى الناس ويتفرج عليهم فى هدوء ـ ولما يجى ينزل يقول للسواق بتناكة - على جنب يا اسطى
النوع التانى
المشاكس
النوع دا بقى تلاقية داخل الاتوبيس يقول شكل للبيع ـ يجرى يزاحم الناس على الباب ويحشر كتفة ف كتف اي حد طالع ويزنقة فى الباب ويزعق فية ويقولة اية يا عم انتوا هتاخدوا الاتوبيس لحسابكم ولا فاكره الابعادية الى ابوك جابهالك ،، يقعد على كرسى ورا اى بنت يفضل يلعب فى دبوس التحجيبة بتاعتها معتقدا انها مهارة منه انه بيلمس الدبوس وهى مش حاسة بية
النوع التالت
الاراجوز
ودا بقى تلاقية عمال يتنطط فى الاتوبيس كلة ، شوية قدام وشوية ورا ، حبة فوق على شبكة الشنط ، وشوية تحت الكراسى ، بيحاول يلفت النظر لة بأى طريقة ويستنى لما يكون فى وسط الاتوبيس وفى معمه الزحمه وينادى اوى ويقول على جنب يا اسطى ، الكل يتخنق منه ويقول لسة هينزل ويوقف الدنيا ويعطلنا ، لكن فى لمح البصر تلاقى الواد ركب الشباك ودلدل رجلة برة ونط من الشباك وهو بيضحك
النوع الرابع
البصباص
دا بقى يركب منه هنا يقف ع الباب يبص فى وشوش البنات ويدور على مزة حلوة يقوم رايح راشق جنبها ولا واحدة واقف يروح يقف وراها ، ويفضل عامل فيها عبيط وعمال يسبل ويبحلق فى الى واقفة والى طالعه والى نازلة وعادة بيكون لابس نضارة شمس علشان يقدر يمارس هواياته بحرية اكبر ـ ودا مش بينزل من الاتوبيس الا لما يتلم علية نص الركاب ويرقعوا الجزم فوق دماغه دا بعد ما تكون واحدة صرخت انه بيتحرش بيها
النوع الخامس
الثرثار
دا بقى تلاقية لابس تيشرت رياضى على بنطلون جينز وواقف وسط شلة من صحابة عمال يبص على بنت ومركز عليها اوى وبيحكى فى امجادة وبطولاته ، وامبارح الكابتن حمادة قالى انى هدخل فى بطولة الجمهورية الجاية ورشحنى علشان امسك كابتن الفريق وانا قولتله لا يا كابتن انا مش فاضى وعندى مسابقات دولية تانية ،
او تلاقية داخل وماسك الموبايل حاطة على ودنه وعمال يكلم واحد صاحبة ياعم انت بس كلمها وقولها انى بعاملها زي اختى وبس وانا عمرى ما وعدتها بحاجه وبعدين هو انا كل واحدة اكلمها تقولى اتجوزنى انا لسة معمول معايا الحوار دا بقى من فيفى وميمي وسوسو وتوتو و و و و ويخنق كل الى حوالية
النوع السادس
ابو السلاطين
يركب من هنا ويكبس علية النوم ، على كتف الى جنبة شوية ولا ظهر الى قدامه شوية ويتثآب فى وش الى قدامه ، ومطلع عين كل الى حوالية مع انك تبصل لمنظرة تحس انه نايم بقالة 3 ايام وتيجى تكلمه يقولك الشغل والشقى والبهدلة
النوع السابع
المحترف
دا بقى استاذ نصب ـ بيعرف ينقى الوقف المناسب وبيختار التوقيت الصح ويروح قايل للكمثرى هات باقى النفر من 5 جنيه ، الكمثرى يبص فى ايدة يلاقى 5 جنيه بس هو فاكر انه مخدش حاجه من الاخ دا ولكن مع اصرار الولد بيضطر يدفع لة الباقى ــ وفى نوع تانى متخصص موبايلات او شنط حريمى
