اول عضو هو ميمـــى ع كرسى الاعتراف

habiba كتب:البتاع ده انا مش كنت عاوزه يرجع تانى اصلا لانى عارف ان ده اللى هيحصل بس لازم من المنتدى ماشى يا حبيبه هيجيلك يوم واعملى حسابك ان انا اللى هختار اللى هيقعد على الكرسى بعدى خليك فاكره دى؟؟؟؟؟؟؟؟؟
زهرة التيوليب الحمراء :انا بهديها لحبيبه
ترمز للحب والعاطفة والجمال

-زهرة البنفســج :دى بقى بهديها لبرينسس
للحب الصامت المتأجج و ترمز للخجل


-الياسمين الابيض :دى انا بهديها لسجده
دليل على الرقه والتمرد على واقع سىء

-القرنفل الأحمر :دى بقى بهديها لاصحابى بره المنتدى وفى المنتدى
دليل على الاخلاص

-الورد الازرق :دى بقى بهديها لمنتدى سوما باكمله
يدل على المكانه العاليه
وعليكم السلام ورحمه الله وبركاته
براحتك خالص فى العوده

habiba كتب:
ياااااااااااااااااااه لا سلامتك من الخنقه
1_قولى يا ايمن موصفات البنت المحترمه من وجهه نظرك؟وممكن تكلم بنت بتتصرف تصرفات مش محترمه من وجهه نظرك؟
والله اظن ان الكل عارف مواصفات البنت المحترمه بتبقى ايه والله لو اللى انا بحبها بتتصرف تصرفات من وجهه نظرى مش محترمه بقولها عليها وبقولها متعملهاش وبعرفها الناس بتقول على البنت اللى بتعمل كده ايه ع ما اظن ان انا مش غلطان
2_امتى يا ايمن بتحس انك جرحت حد بتحس انك جرحته ولا مش بتحس انك جارحه؟
لا بحس انى جرحت بس دا لو جرحت انسان معلهش بقى انما اما اعرفه حاجه وهوه يزعل منى فدا بقى مش عارف اسميه ايه

3_امتى حسيت انك مش راضى عن نفسك ؟
اما الاقى حد زعلان منى وبالزات لو كنت بحبه او بعزه

4_يعنى ايه جرح من وجهه نظر ايمن؟ وايه برضه الحب من وجهه نظر ايمن؟
الجرح يعنى وفاه
اما الحب فهو وجود كل حاجه حلوه فى الدنيا
فى ناس تقولك الامان لا وانك تكون مرتاح بقوله انه اصلا عمره ما هيحس بوجود كل حاجه حلوه فى حياته الا اذا كان مرتاح وحاسس بالامان

5_لاا ارى -لااسمع -لا اتكلم متى تطبق هذه المقوله؟
لما بكون مخنوق وفى حاجه حد عاوز يعرفهالى وانا مش عاوز اعرفها

6_حاجه حصلت فى حياته غيرت مجراها؟
الانسانه اللى دخلت حياتى فجأه مش عارف ازاى

7_عمرك حسيت انك ظالم قبل كده؟
يعنى فى بعض الاحيان

8_اصعب جرح ممكن يمر الانسان فيه ايه من وجهه نظرك؟
لما يحس بظلم وضغط من اللى حواليه او اللى بيحبهم
9_موقف صدمك ومش قادر تنساها لحد الان؟
الحمد لله

10_ايه نفسك تقوله ومش قادر تقوله؟وايه اللى منعك؟
انا لو عاوز اقول حاجه بقولها حتى لو هتزعل اللى قدامى منى

11_لو حد قالك انت بتحب ولا بتتسلى هتقوله ايه؟ ولو قالك انه مش مسدقك وعايز انك ثبتله هتثبتله ازاى؟
انا الحمد لله واثق فى نفسى وبعدين اللى مبرضاهوش لاختى مش برضاه لغيرها

12_تقول لمين(انا اسف_سامحنى) وليه؟؟؟
لكل اللى زعلتهم منى

13_مين اكتر انسان بتخاف من عتابه ليك؟
اى انسان بحبه لانى مش ببقى عاوز ازعله وانا فيا طبع وحش اوى
ان لو حد مزعلنى ممكن انا اللى اصالحه دا لو بحبه

14_ايه اللى بتفكر فيه اليومين دول؟
مبفكرش غير فى حاجه واحده وهى الانسانه اللى عمرى ما حبيت غيرها بس مش اكتر

15_امتى تبكى مشاعرك اكتر من عنيك؟
والله اما تبقى تسكت ابقى اعرف امتى هى بتبكى قبل عونيه

لا مفيش اطاله ولا حاجه ولو انك شايفه انك هترتاحى ومش هتتخنقى اما تسالى عادى اسالى براحتك

tiger كتب:
1- كام مرة ندمت انك اخدت قرار ؟ وليه ؟
انا الحمد لله مش باخد اى قرار الا لما افكر فيه كويس علشان مش اندم عليه بعد كده
2- كام مرة ندمت انك رجعت ف موضوع ومش كملت فيه يعنى مش اخدت قرار سريع ؟ وايه هو القرار؟
انا الحمد لله عمرى ما دخلت موضوع الا وكملته للاخر سواء كان خير او شر
3- تقول لمين الكلمات او الجمل دى ؟
- بحبك ومقدرش اخبى
للانسانه اللى بحبها
- ندمت عليك اوى لما بعدت
لاختى
- سامحنى على غلطى فى حقك
والدى
- بتقول لمين وحشتنى يااغلى من عينى
حبيبتى
- بتقول لمين غور بقى بعيد عنى
لكل انسان بيكرهلى الخير
- بتقول لمين لك يوم ياظالم
لكل انسان ظالم
- بتقول لمين هتجيلى هتجيلى
للحزن
- بتقولى مقدرش انساك
الحزن
4 - لو حبيبك سأل انت حقيقى بتحبنى ولا بتتسلى هترد تقول ايه ؟ ولو بردو قالك اتكلم بصراحه وبلاش تكدب انا مش مسدقك؟ ولو بردو اصر وقالك انا بقى بحب حد تانى هتقول ايه ؟
بتهيالى انا رديت على السؤال ده فى اسئله حبيبه اما بقى لو قالتلى انها بتحب حد تانى وهى شايفه انها هتبقى سعيده معاه هقولها روحيله لانى كل الى بتمناه انها تكون سعيده
5- لو صديقك بيحب الشخصيه ال انت مولوع بيها ومش عارف توصلها وهو بردو كده وسألك يعمل ايه علشان يوصلها هتقول ايه؟
والله انا لو وصلت لحاجه ممكن انها تقرب بينهم هقوله عليها
6- لو انت مرتبط وجات بنت بتقول وحشتنى ياحبيبى وانت مع حبيبتك ال انت وهى مع بعض زى السمن على العسل هيكون ايه رد فعلك؟
والله اما يبقى يحصل هبقى اعرف ارد فى وقتها

el soghier كتب: يا ابو حميد ولو مش كنت انت اللى قعدت على الكرسى قبل كده وجيت وسالت انا هقولك انت بتسال ليه مثلا اسال البيت بيتك

1- تقول لمين (حسبى الله ونعم الوكيل )؟ولية ؟؟؟؟؟؟؟
لكل انسان ظلمنى ليه لانه ظلمنى

2- نار اللى بتحبها واللى جنة اللى سبتها (تقولها لمين ولية )؟؟؟؟
انا اعيش مع اللى بحبها سواء كانت جنه او نار انا بقولها لقلبى لانه ضعيف اوى قدام اى انسان بيحبه

3- سؤال يختر ببالك ؟؟؟ واجابتة اية ؟؟؟؟؟؟؟؟؟
انا ميييييييييييين ؟؟؟؟؟؟
عاوز حد يجاوب عليا

4- عدوك مين ؟؟ وحبيبك مين ؟؟؟؟؟
عدوى اللى يضحك عليا او ييجى عليا وعلى حقى
اما حبيبى اللى بيقف جنبى ويساعدنى بس فى الصح بس

5- صاحب صحبك على عيبة (مقولة صحيحة ام خطأة؟ولية )؟؟؟؟
هى فعلا صح والله (صاحب صاحبك على عيبه ومتصاحبش اللى فى جيبه)
انت عارف بتفكرنى بايه( يا واخد القرد على ماله بكره يروح ماله ويبقى القرد على حاله)

6- الثقة بالنسبالك اية من ناحية الاحباب ؟؟؟؟
الراحه انى ارتاح للانسان بحبه

7- كلمة اخيرة تقولها ؟ولمين ؟؟؟؟؟؟؟؟؟
بحبـــــــــــــــــــــــــــــــــــــــــــــــــــــــــــــــــــــــك
لمين لامى هه
عيب يا ابو حميد انت عارف انك مش طولت ولا كانت اسئلتك رخمه واذا كنت سخنان انا مولع

habiba كتب:
1_لو قدامك جدار نفسك تكتب ايه عليه؟ وتكتب ايه ع حياتك؟
انا هكتب لكل اللى زعل منى انه يسامحنى
وبعد كده هكتب للانسانه اللى انا حبيتها انى مش بتسلى بحد لان انا عندى اخت ومتمناش ان اى انسان فى الدنيا انه يتسلى بيها حتى لو كان مين وهقولها كمان انى لو كنت عاوز اتسلى كنت اتسليت من زمان بس انا مش بحب كده
اما بقى عن حياتى هقولها مكتوب عليك الحزن لحد اما تفارقينى

2_حيوان تشعر انه مظلوم ؟
انا الحمد لله مش بعرف حيوانات انما لو انسان كان ممكن ارد عليك

3_مين اكتر حد ظلمته فى حياتك؟
انا الحمد لله مش بحب الظلم بس ممكن اكون ظلمت حد

4_حقيبة اسرارك عند من تودعها ؟
مش فاهم

5_أين تأخذك ذروة الغضب ؟
لما احس ان حد بيستغفلنى

6_متى يعاندك النسيان ؟
طول عمره معاندنى واظن ان كل اللى يعرفنى يعرف عنى كده

7_متى يقسو قلبك ؟
لما احس انى اتظلمت

8_متى تخجل من نفسك ؟
لما اقعد مع نفسى واحاسبها

9_في زمن البحث عن المادة ... عن ماذا تبحث أنت ؟
عن قلبى اللى ضايع منى

10_ماهو هدفك بالحياة ؟
انى ارتبط بالانسانه اللى حبتها وعارف انها زعلانه بس انا حبيت اعاتب ...........قبل اما اعاتبها

11_رتب هذه الكلمات حسب الافضليه لديك
الصحه _المال _الاولاد _الزوجه او الزوج _الحصول على اعلى المناصب _راحة البال
الزوجه اللى احبها وتحبنى _راحه البال الاولاد_الصحه_والباقى مبفكرش فيه اصلا

12_لو تفاجئت بخيانه شخص عزيز ايا كان كيف تتصرف معه ؟
والله كل انسان وله عتابه

13_لو طلب منك تولي منصب الوزير من تختار من الوزارات وماهي قراراتك ؟
انا الحمد لله راضى بعيشتى كده اينعم هى كئيبه شويه بس هيجى يوم وتتظبط

14_عضاء تعجبك كتابتهم وقل رئيك بشخصياتهم سوا ايجابيه او سلبيه ؟
كل الاعضاء

15_اية اكتر حاجة ممكن تزعلك من شخص معين؟؟
اما احس انه بيستغفلنى

16_انت شخصية ضعيفة ولا قوية ؟؟
انا شخصيه ضعيفه جدا مع اللى بحبهم وبخاف على زعلهم ويهمونى انما غير كده شخصيه قويه جدا الحمد لله

17_من هو l هي ،،،

صديق تعتز به ..
انا اصدقائى 6
وائل _اسلام_عبدالله_محمد_ابراهيم_خالد

شخص تقول له أنت أنتيمي أو ترأم روحك ؟..
حبيبتى واصحابى

شخص تقول له أنت شيء مهم بحياتي ..
كل انسان بعرفه بيبقى مهم فى حياتى

شخص تستريح بالحكي معه ...
هوه مش شخص هما 7

شخص تتجنبه ...
اللى يزعق وصوته يعلى فى الفاضى والمليان

شخص تحترمه جداا ....
كتيييييييييييييييييييير

شخص تخاف منه ....
انا الحمد لله مبخفش الا من اللى خلقنى

شخص هو كل حياتك ...
مش هقدر اجاوب على السؤال ده

18_معك الفانوس السحري ولك 3 أمنيات ؟ ما هم ؟؟
1_انى اشوف والدى واخواتى وحبيتى
2_محدش من اصحابى يزعل منى
3_ربنا يرحمنى

19_ أنت بمكان هاديء بعيد عن كل الناس ولتكن جزيرة رائعه من تتمنى معك ؟ ( لك شخصين على الأكثر )
والله مش هروح تعرفى ليه انا ابقى فى وسط اصحابى وحبايبى كلهم ولا انى اسيبهم ولو يوم ولو بعدم عنى يوم ببقى عارف اخبارهم

20_ما هو الشئ اللى مش هتسامح فيه ابدا؟
انا مسامح لكل اللى غلط فيا ماعدا الموقف اللى حصلى انهارده انى اتشتم بالدين
والموقف التانى نظره من انسان غزيز عليا دى انا مسامح فيها بس عمرى ما هنساها

21_كلمه تمنيت انك تسحبها بعد مقولتها؟ولمين؟
كلمه وزعلت منى كتير مع انها اتفهمت غلط بس اللى اتقالت وسمعها لو فكر ثانيه هيعرف ان الكلمه مش ليه لانه رد عليا قبل اما انا اقولها

22_مين اخر شخص تتذكره قبل متنام؟
حبيبتى اصلى مش بعرف انام الا لما .....

23_شخص بتحلم بيه ع طول؟
اسيب اللى بيسمع قلبى يجاوب عليه

24_دمعه انزرفت غصب عنك؟
فى وقت عتاب

25_موقف صدمك ومش عارف تنساه؟
كلمه طلعت منى وانا بكلم مع انسان بحبه خدها على نفسه وزعل منى علشان مش حبيت ان اى انسان يقول عليه اى كلمه ممكن انها تجرحه

26_شخص تتمنى الانتقام منه؟
مفيش

27_كمله تحب تسمعها كل يوم؟
يا قلبى

28_لو المنتدى غرق وانت معاك قارب ومش بياخد غير 3 هتاخد مين معاك؟
هوه بياخد 3 انا بقى هخليهم 4 هغرق انا واركب 4
اسلام ووائل وحبيبه وسجده والباقى المره الجايه

29_اخر سؤال يا ايمن عشان مش اطول عليك قولى ايه رايك فيا بصراحه؟
ابقى اسالى نفسك وانتى هتعرفى ايه رايى فيك مع انك عارفه انا ايه رايى فيك وانا قولته بدل المره مليون

لا اطاله ولا حاجه عاوز اشوف اسئلتك تانى

el soghier كتب:سورى يا ابو حميد اتاخرت عليك شويه بس انا جيت اهون علشان ارد عليك


1- زكرياتك وطفولتك وحياتك لو حبيت تلخصها فى كلمتين هيكونو اية ؟؟؟
بص يا ابو حميد انا هقولك على حياتى وانت افهمها بقى انا عيشت حياتى تعتبر حزينه لا هى مش تعتبر هى حزينه يعنى عندك اب فى الغربه ع طول ووالدتك من كتر خوفها عليك كانت بدات تخنقك وطبعا الشيطان شاطر لا انا كبرت ومينفعش كده بس فى الاخر بتوصل لان كل ده خوف عليك ولما فكرت تفرح من قلبك ولقيت الانسان اللى رسم فى قلبك وحياتك الفرحه المهم ان انت عاوزه وهوه عاوزك بس فى ايه بقى انت مش عارف بتفكر مليون تفكير فى الدقيقه بتبقى معاه ومش عاوز تسيبه يمشى بس لازم تسيبه يمشى وبتبقى على امل انا الدنيا هتجمع بينكم تانى بس امتى بقى الله اعلم وعلى راى نادر حمدى سيبها بظروفها بس انا اتمنى ان الظروف متطولش ولا تيجى باى شئ وحش ...
اظن دلوقتى انت فهمت حياتى وزكرياتى شكلها ايه بس الزكريات فيها حاجه واحده حلوه بتهون عليك ايامك عايش ليها وعلى امل انك تحققها

2- الخداع من وجة نظرك والكدب والتحوير والظلم اية فى كلمة ؟؟
خيانه وغدر


3- تقول لمين (استكفيت ) ؟؟؟ ولية ؟؟
للزمن اللى مش هاين عليه يسيبنى افرح

4- لو بقيت فى يوم من الايام ان شاء الله مدير مصنع او محل مدير عام شركة مثال هل هيتغير ميمى ؟؟ ولو مش هيتغير هل يا ترا هيبقى ميمى بيقول كدة علشان هوة لسة مبقاش كدة وبعد كدة هيتغير ؟؟
ميمى مش بيتغير يا احمد تعرف ليه لان ميمي ماشى على مثل بيقول لا فلوس ولا منصب بيعملو راجل بالعكس الراجل هوه اللى بيعمل الفلوس والمنصب

اما بقى بالنسبه للعضو اللى بعدى فهيكون حبيبه