الرئيسية
اليكم هذا الحوار
انل "اسمك اية
هو "مش عارف
انا "عنوانك
هو "اى رصف فى الشارع
انا "نوعك
هو "مش فارقة ولد او بنت كلنا بنتعامل نفس المعاملة
انا "اسم ابوك
هو "ممكن يكون اى انسان فى البلد او اتخطف ابنة
انا"طيب امك
هو"ممكن تكون واحدة غلطت خافت فرمتنى
انا "مين اصحابك
هو "بلية واللمبى و حنتيرة اللى انت شايفهم فى الصورة ديه
انا"هما بيعملو ايه فى الصورة دية
هو"دى قعدة كلة وسجاير بنشمها عشان منتوجعش وننسا همومنا
انا" فى حد بيساعدك
هو"لا قليل قوى انا بشوف الاعلانات و الحملات عشان الايتام بس ناسين اطفال الشوارع
هو احنا مش ايتام برضو
انا"طب رمضان اكيد فيه خير كتير بيجلكم
هو"والله الناس بتطردنا من موائد الرحمان بيقرفوا مننا هو مش المفروض الاكل دا لينا
وللا علشان العمال واصحاب المحلات والناس اللى مش بيلحقوا يرحو بيوتهم
انا "حسبى الله ونعم الوكيل
ملحوظة :نقلا عن جريدة الاخبار مصر تستورد ب150 مليون جينية اكل قطط وكلاب
ساتحدث عن مصر فقط منعا للحساسية فهى وطنى وانا اعاتبة
انا "بس انت طفل شارع فى منطقة راقية زى دى اكيد الاغنياء هنا بيساعدوكو
هو " بيضحك
انا "بتضحك ليه ..............
هو"اصلى بشوف الناس هنا بيشترو علب اكل للقطط والكلاب بتاعتهم والله علب شكلها حلو قوى يعنى لو حد منهم ادهالى مش حقول لا
انا " طيب بتاكل منين
هو"الحمد لله مش بحسبها
الزبالة فيها وجبات كفاية لينا
انا " طب كويس انك بتاكل فى ناس فى اماكن تانية بتموت من المجاعة
هو"هما بيموتوا مرة واحدة احنا بنشوف الموت بعنينا الف مرة
انا " نفسك تطلع ايه ؟
هو"انا ماليش اختيارات ..............انا مصيرى معروف
انا " ايه اكتر حاجة لما بتسمعها بتضايقك ؟
هو "لما بسمع عن فلوس السنيما
انا "فلوس اية قصدك ايرادات الافلام
هو" اصل الواد حنتيرة بيعرف يقرا وبيقول لنا ان الفليم بيعمل فى الاسبوع بتاع 10 مليون جينية
دا الرقم دا يحل مشكلة اطفال الشوارع كلها
انا " يااااااااااااااااااه دا انت فيلسوف ازاى مجاش فى بالى الموضوع دا
انا" اية اكتر مشهد بتشوفة بيوجعك ؟
هو" لما بشوف اب ماسك ايد ابنة ولما الناس بتطلع باكياس كتيرة مش قادرة تشيلها من السوبر ماركت
لما بشوف زحمة العيد والناس بتشترى هدوم لولادها
لما المطر والشتا ينزل والناس بتجرى على بيوتها وانا مش بعرف اروح فين
انا" كفاية كفاية والله قطعت قلبى
هذة صورة للبلطجى الذى اغتصب وقتل اكثر من عشرين طفل
انا " طيب نساعدك ازاى تاخد فلوس
هو" لا لا لا
انا" مالك فى ايه
هو" الناس فاكرة انها بتدينا احنا """"""""" الفلوس دى بيلمها منا بلطجى وكل منطقة لها واحد مسيطر عليها
انا" طب تحب الاعضاء يساعدوك باية
هو "يساعدونا باى حاجة ناكلها لقمة نضيفة وخلاص
يساعدونا باى لبس قديم عند ولادهم
يساعدونا ببطانية مقطعة عشان الشتا
يساعدونا بدعوة من قلبهم
وجدتة يتوقف عن الكلام ودموعة تلمع فى عينية
انا"مالك فى اية
هو"........................................
اختنق صوتة وتكلمت دموعة بكى وانتفض جسدة الصغير
ياااااااااااااااااااااااا ااااااااااااالله
عجزت عن التماسك وانهرت باكيا
احتضنتة بكل قوة متناسيا رائحتة المقززة والاوساخ التى تعلو جسدة
انتهى الحوار ولم تنتهى الماسااااااااااااه
اطفال الشوارع لن انساكم ولن تموت قضيتكم
