الرئيسية
زىِ زىِ اى انسان
بحلم فى يوم انى الاقى الامان
اصل الدنيا كسرتنى من زمان
وخلتنى بقيت تايه فى العنوان
وبقيت خلاص فى فعل كان
بحلم باللحظه اللى الدنيا فيها تصفى
وعليا وعلى غيرى تروق وترضى
باللحظه اللى الفرح فيها يجي
والحزن يبعد فيها عن طريقى
احباب كتير فاتونى
وفى وسط الزحمه نسيونى
وقالولى الدنيا اصلها تلاهى
وغيرنا اكيد هتلاقى
احلام كتير ليا انداست
وحاجات حلوة فيا ماتت
و احلى سنين العمر فى لحظه فاتت
والحب ف زمانا خلاص ضاع
والكذب بقى عندنا ابداع
عشان كدا حياتنا بقت مليانه اوجاع
ملناش غير ربنا
وحده اللى قادر يفرح قلبنا
ويخلينا نرجع نحب بعضنا
وساعتها الامان باذنه هيرجعلنا
