الرئيسية
- لسه ماتخلقش اللى يكسر عينى
انا اى جرح فيا مابيضعفنيش بيقوينى
وان كنت فاكر انك قدرت تضحك عليا وتخدعنى
وتقول لنفسك انك كسبت جرحت قلبى وكسرت عنايا
لا من وهمك فوق انا لسه راسى مرفوعه لفوق
وعمرى ماهتقيد ليك بطوق ولا يملى قلبى ليك الشوق
بأيدى قلبى انا هاكسره واحط حجر مكانه واغيره
حلمك مش هايتحقق واتذل قدامك
فى مرايتك شوف نفسك ...دقق واسمع كلامك
شوف مين فينا اللى انكسر وقد ايه خسر
هتلاقى كلامك لايق عليك
بيوصف اوصافك وكسرة عنيك
بس انا لسه ماتخلقش اللى يكسر عينى
انا اى جرح فيا مابيضعفنيش بيقوينى
