يوميات وزير ثقافة بطيخة ستان (الجزء الاول)

كان وزير ثقافة بطيخه ستان جالساً في مكتبه ، يقرأ الجريدة حين أستوقفه خبر غررريب

( استقالة وزير المواصلات الياباني )
فاستدعي مدير مكتبه على الفور :
ـ ( حسيييييين ) ... تعالي يا سحس .. قريت الخبر دا ؟!!!
ـ قريته يا أفندم ... ماله ؟
ــ إيه الاستقاله دي .
ـ و الله يا أفندم علمي علمك .
ـ خلاص . يبقى تدورلنا عليها عشان لو حاجه حلوه نعملها ... إشمعنى اليابانيين يعني ... معندكش فكره إذا كان في وزير في بطيخه ستان عمل الإستقاله دي قبل كده ؟؟
ــ لا يا أفندم ... أول مره أسمع عنها .
ـ طيب إتصل باليابانيين كده و استفسر .، و إعرفلي القصه بالتفصيل ..
،،، وبعد يومين ..
ــ أيوه يا أفندم .. لسه قافل مع اليابانيين دلوقتي .
ـ ها ... قالولك ايه ؟ ؟!
ـ هما قالو كلام كتير أوي قوي .. بس أنا مفهمتش حاجه .. ما أنت عارف سعادتك إنهم بيتكلمو ياباني .
ـ إمال جاي مبسوط ليه كده يا حيوان .
ـ ما أنا يا أفندم عندي رأي .
ـ قول يا حمار ..
ـ ـ أن أعتقد إن الاستقاله دي ترقيه للوزير تقريباً .
ــ ترقيه . .. و الله كلام معقول .
ـ ومدام ترقيه نقدم طلب للحاكم بكره .
ـ بس دي حاجه جديده وممكن ما يوافقش يا أفندم .
ـ لا ما أفتكرش .. إحنا لسه واقفين معاه وقفه جدعان في الإنتخابات ، مش معقول يعني هيستخسر فيا حته استقاله .! ، من بكره تقدم الطلب ، وبقولك ايه ،،، أوعي حد من الوزرا الرمم الي في المجلس ياخد خبر .. أحسن حد يسبقنا .. ،،، عاوز أكون أول وزير يحصل على الاستقاله
وفى قصر الحاكم .............
انتظرو الجزء الثانى فى قصر الحاكم

الجزء الثانى ومستنى
تسلمى يا نانا