الرئيسية
ـ وفي وزارة الثقافة ... وزارة أول وزير يقدم استقاله ...
(( الوفد الأجنبي وصل يا أفندم ))
ـ خليهم يدخلو فوراً
استقبل الوزير أعضاء الوفد ، و أخذ يستعرض معهم إنجازات الوزارة خلال عشرين عام قضاها في موقعه .
ــ بس دا قليل أوي يا معالي الوزير .. أنتم ليه مش مهتمين بالثقافة ؟؟!!
ــ ما أنا عشان كده هاخد خطوه جبارة على طريق التنمية الثقافية ...
ـ ايه يا ترى ؟!!!
ـ هقولكم ... رغم إنه سر ... أنا مقدم على استقاله ..
ـ استقاله .. دي خطوه شجاعه من معاليك و اعتراف منك بالمسئولية ..
ـ متشكر جدا .. أنا طول عمري شجاع ... مش كده يا حسين ..؟؟؟
ــ أيوه يا أفندم .. هو في أشجع من سيادتك ..
ــ رئيس الوفد : ومين يا ترى هيمسك الوزارة من بعدك ؟؟
ـ أنا برده ..
ـ إزاي بقه ؟؟ أمال مقدم استقاله ليه ؟؟
ــ بقى يعني لما أكون وزير حاف أمسكها ؟؟ ولما أخد الاستقاله اسيبها ؟؟؟؟؟؟!
ـ أيوه .. هيا الاستقاله كده
ـ يا سلام !!! ،، ومبقاش وزير ؟؟ ... لا لا .. يعني العز والهيلمان و المرسيدس و الستات وكشك الحراسه وكرنيه النادي .. كل دا هيروح ؟؟؟
ـ أيوه .. وتبقى مواطن عادي خالص .
ـ لا يا عم ... يفتح الله ، ( يا حسيـــــــــــــــــــن )
ـ أيوه يا أفندم .
ـ شوفت شورتك السودا .. هيسحبو مني الوزارة .
ـ ليه يا أفندم ؟؟ ، هو إنت كنت ركنتها في الممنوع ؟
ـ إنت بتهزر يا حيوان .. بكره الصبح تروح تسحب الطلب المهبب دا ..
ـ ما ينفعش يا أفندم .. لازم سيادتك الي تروح تسحبه بنفسك
ـ أروح ! .. طبعا أروح .. ال يسحبو الوزارة ال ..
...
يدخل وزير الثقافة على الحاكم ..
ـ صباح البهجة يا جناب الحاكم .
ـ صباح الزفت يا وش القرد .. بقى إنت مقدم استقاله ؟!!
ـ لا يا جناب الحاكم .. دي غلطه مطبعيه .. أنا قصدي اصطباحه .. مقدم اصطباحه يا أفندم
ـ أيوه كده يا أخي .. قولنا حاجه نفهمها .. فين الاصطباحه دي ؟؟!!
ـ يخرج الوزير سيجارة ملغمه ،، ويديها للحاكم ..
ـ صباح العطر يا أفندم ..
ــ صباح التنفس .. دا صنف عالي قوي .. ابقى سيب منه بره عشان كله يتكيف ..
يدخل وزير الداخليه ..
ـ صباح الخير يا أفندم ... أنا عاوز استقاله ..
ــ تعالى تعالى .... شد و إحبس .
يا سلاااااااااااام !!!! ... دي حاجه عال أوي .
ـ عجبتك ؟؟
ـ فله جنابك . هي دي الاستقاله ؟؟؟؟؟؟
ـ أيوه يا سيدي مبسوط ؟؟ ! ... يلا ياض منك ليه ،، كل واحد على وزارته .. مش إصطبحتو .... شوفو شغلكو
الوزيران في نفس واحد :
مساء الخيييييييييررررررررررررررر
