رابع عضو ع كرسى الاعتراف(الكابو)

sagda كتب:ونبدأ بسجدة وربنا معايا يااااااااااااااارب

ايه كل دا يا سجودتي دا انا بحبك اهئ اهئ اهئ

1- ايه هى نقطة الضعف ف شخصيتك ؟ وايه نقطة القوه ؟
نقطة ضعبى اني عصبى شوية بس مش فى كل الاوقات ببقا عصبى لما احس اني اتظلمت او حد يقولني قول مقولتوش بس
نقطة قوتي بيتهيئلي كدا مش هعرف اقول لانى مش بحب اتكلم عن نفسى بس

2- هل تغلب اليأس عليك قبل كدا ولا انت دائم الانتصار عليه ؟
لا متغلبش اليأس عليا قبل كدا الا لما فرقت اللى كنت بحبها بس والحمد لله انتصرت علية تاني

3- ايه اكتر امنيه عاوزها تتحقق قريب غير النجاح ؟
اني لرضي امي وابويا والاقى واحدة اقدر احس انها هي اللى هتعوضنى عن كل الفاتني

4- مين هو القدوه بالنسبالك ؟
ابويا

5- مين اكتر شخصيه وثقت فيها ؟
امي

6- ياترى اديت لحد ثقتك قبل كدا ومكانش اهل ليها؟
لا عمرى ماوثقت فى حد الا اذا كان اهل ثقة لاني الحمد لله بختار صح

7_انت شايف بكرة ازاى اوصفلي
عادي والله زى مكل الناس شيفاه جميل والله اعلم

8- بتحاسب نفسك كل يوم قبل ما تنام ولا انت دايما راضى عن نفسك ؟
الحمد لله مش بعمل حاجة واندم عليها لاني مش بعمل حاجة الا اذا وثقت انها صح

9- بتشوف سر جمال المرأه فى ايه ؟ واول حاجه بتلفت نظرك ف اى بنت ؟
سر جمال المرأه فى ادابها ومشيتها بتدل على كدا
واول حاجة بتلفت نظرى فيها عينيها و ...............بس

10- ما هو تعريفك الشخصى للحب ؟
الحب اجمل شئ فى الكون ولاكن من غير فراق بس دا صعب انة يكون من غير فراق

11- ايه اكتر كلمه ممكن تسمعها تخليك تتحول من حالة حزن لحالة فرح ومن مين ؟
كانت كلمة واحدة بس ( بحبك ) ولاكن دلوقتى هيا لو سمعت عن اى حد من اصحابى خبر حلو

12- لو خيروك تعيش ف دنيا تانيه غير دنيتك تختار تعيش فين ومع مين ؟ولا هتفضل تعيش نفس دنيتك لاحلو فيها والوحش ؟
لو خيرونى اختار دنيتى عشان عرفت فيها نفسى وعرفت اصحابى اللى عمرى مهعوضهم

13- لو قالولك نرجع بيك بالزمن للخلف وتختار حدث ف حياتك تلغيه وحدث تتمنى انه كان يحصل وتضيفه هتخار تلغى ايه وتضيف ايه ؟
الحث اللى الغية هو انى مكنت اظلم حد
واللى اضيفة مش عارف بصراحة

14- ايه اكتر حاجه موجوده على الكمبيوتر بتاعك الاسلاميات - الاغانى - الافلام ؟
بصراحة اغاني ههههههههه

15- ايه هى الحاجه اللى مش موجوده في شخصيتك وتتمنى انها تكون عندك وايه هى الحاجه اللى تتمنى تغيرها ف شخصيتك؟
لا انا راضى بنفسى كدا لان الحمد لله انا بحب نفسى على كدا

16- اخر رنه نزلتها على موبيلك كانت ايه هههههههههههه ؟
اخر رنة تامر حسنى الجديد ( يا واحشنى ) هههههههه

17- لو قولتلك موبيلك دلوقتى على مكتبك وبيرن ان فى مسج جيالك تتمنى تكون من مين ومكتوب فيها ايه ؟
من انسانة كنت ظلمتها فى يوم من الايام ويكون مكتوب فية سمحتك

18- ياترى حياتك ماشيه زى ما انت مخططلها وبتتمناها ولا لا ؟ولو لا كنت تتمناها تكون ازاى ؟
لا الحمد لله ماشية تمام بس يعنى مش كل حاجة عيزنها بتحصل بس الحمد لله راضي

19- هل حصل موقف ف حياتك غير مسارها للعكس تمام ؟ لو اه كان ايه الموقف وغير حياتك للاحسن ولا للاوحش ؟
اه حصل انى دبلرت فى تانية ثانوي وغير حياتى للاوحش

20- من هى سجده من وجهة نظر كابو ؟
هو انتى لسة بتسألى انتى بالنسبالي اية هههههههه
سجدة =حب وحنان اخت بصراحة مشفتوش من اي انسانة تانية غير حبيبة واخت بصراحة كنت اتمناها من امي وابى

habiba كتب:ونبدا مع حبيبة ونقول الو معا اني لسة جاي من الامتحان ولسة متغدتش والله بس عادي

1_لو معاك باقه ورد يا اسلا هتهديها لمن؟وباقه شوك هتهديها لمين؟
باقة الورد لامي
الشوك الله اعلم

2_هل حبيت؟وهل نجحت العلاقه ام لاء؟ ولما فشلت العلاقه؟
نعم حبيت والعلاقة منجحتش والسبب معلش سمحيني مش هقدر

3_مين اكتر واحد بتثق فيه من صحابك؟ هل بثق فى وائل اكتر الم بتثق فى ايمن؟ ولماذا ؟وتجاوب ع السؤال ده غصب عنك وبقولك اختار واحد فيهم بس

لو كنتي خيرتيني بين واحد فيهم واي حد تاني كنت قدرت اختار بس بصراحة هما التنين فى مكن واحد بعد امي وابويا ع طول
4_ايه اللى بيلفت نظرك فى اى بنت؟او بتبص ع ايه فى البنت؟
مشيتها وعنيها لانهم بجد بيدلو على حجات كتييييييييييييييييير

5_ايه العاده الوحشه اللى فيك ونفسك تبطلها يا كابو؟
اني اقدر اسامح اي حد جرحنى او ظلمني لاني بجد مبقدرش انس اللى ظلمني ( ممكن انسى اني اخدعت بس منساش مين خدعيني )وصلت

6_ايه اكتر حاجه وجعتك فى حياتك؟
موت عمتى وفراق حبيبي بس دلوقتى خلاص عادي

7_ايه اخر مره انت بكيت فيها؟وكانت ع مين؟
مش فاكر لاني بكيت كتيييييييييير برضة

8_امتى وجعك ضميرك يا كابو؟
لما ظلمت واحدة بجد حبتني بجد وانا اللى سبتها وبجد لسة ضميري بيعذبني

9_كام ميل بنت عندك ع الياهو؟وكام نمره تليفون بنت ع موبايلك ومسجلهم بايه؟
عندي 5 املات بنات وكلهم اصحابى لان محدش يعرف اميلي دا غير صحابي
والتفون كتييييييييير بس كلهم اصحابى وقريبي ومسجلهم باسمئهم عادي لان محدش بيمسك تلفوني خالص

10_كام مره اتنازلت فيها عن مبادئك؟
عمري متنزلت عن مبدئي خااااااااااااااااالص

11_قول رايك بصراتحه فى دول(الماجيك_ممس_الصغير_حبيبه_سجده)
الماجيك وممس _ دول بقى اخواتي بجد واصحابى وكل حاجة ليا
سجدة وحبيبة _دول اخواتي اللى كنت بتمنا انهم يكونو من امي وابويا وبجد رمز للصداقة اللى بجد
الصغير _ دا بقى شخصية بجد تقول عليها راجل معا اني اختلاطى بية مش كتير بس بجد حبيتة كأنة اخويا وربنا يرجعهولنا بالسلامة يا رب

12__ما الجانب الآخر في شخصيتكِ والذي تعلنه هنا لأول مرة ؟
اسلام

13_متى اخترت اختيار وقلت في داخلك نعم هذا اختياري الابدي؟
كل اختياراتي لاني مش بختار حاجة واندم عليها

14_هل ندمت ع حاجه فى حياتك يا كابو؟
اني ظلمت حد بجد

15ايه اكتر موقف رعبك؟
والله هسيبك تجوبي نفسك على دة

عادي يا ستي بس والنبي متتضيقي تاني ابدا

والسلام عليكم ورحمه الله

meme كتب: هو انا نطقت ولا قولت حاجة وفعلا كما تدين تدان يلا


1_تختار مين يمسح دموعك هه مييييييييييييييييين حدد ( انت اللى تمسحها ــــــــــــ امك ـــــــــــ صاحبك ــــــــ اختك ــــــــــــ اخوك ـــــــــــ ابوك ) ؟ ولماذا ؟
ان اللى امسحها عشان مشيلش حد همي

2_ مين اكتر انسان عزيز لقلبك ونفسك تشوفه حاليا؟
دوقتى دوقتى اخويا لاني خلصت الامتحان ومشفتوش هو بره

3_شئ غير من مجرى حياتك ؟
دخولي المعهد غير كتير من مجرى حياتي

4_ كلمة قولتها وندمت عليها ؟ ولمين ؟
خلينا اصحاب احسن وقولتها للبنت اللى انا ظلمتها ومش ندمان عشان سبتها لا لانها بجد حبتني
5_ كلام شاغل بالك الايام دي اية هو ؟ واوعى تقولى الامتحانات؟
لا والله يا ايمن الامتحنات لانى بجد نفسي انجح

6_ مين اكتر انسان بتحس ان شخصيتة قريبة منك واوعى تقول انا ؟
ابويا

7_ مين من الممثلات تحب ان تكون زوجتك ومتقولش مفيش حدد واحده عادي يابني دا سؤال عادي جاوب متخفش ؟
هههههههههههه والله هيا بقت كدا ماشى
مي عز الدين

8_ انت قولت هتحب لما تلاقى الانسانة المناسبة اية بقا مواصفات الانسانة المناسبة ومتقولش محترمة عادي قول اي حاجة؟
ماشى يا ممس لما احس بجد انها بتحبني وانا استريحلها فعلا اكيد هحبها
.
هى بقت كدا ماشى يا ممس انا عارف بالنص ماااااااااااااااااشى لينا قعده معا بعض هه

MIROO كتب:اهلا ميرو ونكمل مع ميرو ونقول الو

1- لو طلبت تعرفنا بشخصيتك وايه اهم مميزاتك و
ايه اكتر عيوبك يس من غير رد دبلوماسى
انا يا ستي واحد زي كل الناس عادي يعني بفرح وبغني وعايش حياتي عادي يعني وكل انسان فية عيوب ومميزات
بس مميزاتي مقدرش اقولها لاني بجد مش بحب اتكلم عن نفسي بصراحة واحتمال اكدب وانا مش بحب الكذب
وعيوبي بقى اكيد فيا عيوب لان مفيش انسان كامل غير الرسول ( صلى الله علية وسلم ) ويا ستي انا اكتر عيب فيا اني مبنساش اللى جرحني بجد ونفسي اسامح اللى جرحني بس مش بعرف لان لو قلبى اسود من نحية حد بيسود جامد ومعلش للاطالة انتى اللى طلبتي

2-لو كنت فى زمن الرسول مين اكتر حد تحب تكون مكانه
اكتر حد احب اني اكون مكانة هو سيدنا ابو بكر لقربة للرسول ( صلى الله علية وسلم ) وكنت بتمنى كدا فعلا

3-مين اكتر حد بيريحك لما بيسمعك
امي

4-لو حبيت تبعت كلمه شكر هتكون لمين
او كلمه عتاب هتكون لمين
شكر هبعتها لامي لانها بجد مستحملاني جامد وعتاب هبعتها لانسانة اللى كنت بحبها

5-انت بتصلى ومن امتى ولك ورد فى القرءان
اه الحمد لله بصلي ودا من صغري بصلي بس حاليا عشان مكذبش وانا اساسا مش بحب الكذب بصلى بس مداوم على الصلاه ربنا يهديني

6-ايه اهم هواياتك اللى بتشغل وقتك
هوياتي اني بحب العب كرة قدم وكان احتمال ليا مستقبل بس ملعون ابو السجاير

7-لو مره حبيت تختار البنت العصريه ولا المتدينه
لا المتدينة لانها لو عرفت دنها هتراعي ربنا فيا وفي اولادي ولو اخترت العصرية هتكون مؤدبة وبتصلي

8-ايه رايك فى اللح حصل فى مساعدات تركيا لغزه
بصراحة مش فاهم السؤال

9-عمرك مره فكرت تعمل حاجه تجدد بيها يلدك
اه فعلا فكرت بس محولتش اعمل لاني مش عارف اعمل ازاي

10-مين اهم شخص فى حياتك
امي

ايه رايك فى الزواج التقليدى
وياترى ينفع فى الزمن دا

والله انا عمري مفكرت اني اتزوج زواج تقليدي بسانا راي انة مينفعش فى زمنا ده


شكرا يا قمر على اسألتك الجميلة دي

sagda كتب:ونقول الو لسجدة تاني مرة وربنا يستر
1- بمناسة الامتحان كنت تتمنى تدخل كلية ايه قبل دخولك المعهد ؟
كنت اتمنا كلية هندسة بس فقدتني على 40% شوفتي بقا ههههه

2- لو حبيت هتروح للى بتحبها وتصارحها بحبك ولا تفضل انها اللى تصارحك الاول ؟
مش هتفرق طالما احنا الاتنين بنحب بعض ومتقوليش ازاي لان بين القلوب مرسال

3- ولو هى صارحتك الاول هتقدر صارحتها دى ولا هتخاف منها وتقول جريئه ؟
طبعا هقدر لانها هي كدا بتحبني ومش هتكبر عليها لا بالعكس دا تكبر فى نظري

4- مين اللى تقدر تقول ان طلبه بالنسبالك امر ولا يمكن ترفضه ؟
ناس كتير منهم امي دا اولهم واصحابى وانتى وحبيبة

5- فى وقت حزنك مين اول حد بيجى على بالك وتحس انك محتاجله ؟
امي وائل وايمن

6- ومين هو اول حد بتجرى عليه وتفرحه بحاجه حلوه حصلتلك ؟
امي وايمن ووائل

7- احكيلى حلم حلمته وانت نايم ومش ممكن تنساه ؟ بس يارب ميكونش كابوس
حلمت اني اتخرجت واشتغلت واتجوزت اللى بحبها بس بصراحة مكنتش باينة فى الحلم هههههههههه

8- ايه هى اكتر اغنيه بتحبها ؟
احضني نفس اضمك لمحمد كمال
وياناسي روحي لمحمد فؤاد

9- مين اكتر مغنى بتحب تسمعله وبتكون حريص ان كل اغانيه تكون عندك ؟
جورج وسوف

10- تقول لمين خليك فاكرنى ـــــ بحبك ـــــ اضحى بعمرى علشانك ـــــ حسبي الله ونعم الوكيل ( ويارب متكونش ليا ) ههههههه
اقول خليك فاكرني لاي حد نسينى هههههههه
وبحبك اقولها لامي واصحابى
واضحي بعمري علشانك بردة لامي واصحابى
وحسبي الله ونعم الوكيل لاي حد ظلمني

ونشكرا يا سجدة على الاسالة الخفيفة دي
ال خفيفة ال

الماجيك كتب:
ونقول مرحبا بوائل

1-هل تمنح الثقة الكاملة لصديقك ام تحتفظ ببعض الامور لنفسك؟؟
طبعا امنح صديقى كل الثقه بس مش كل اصحابى يعني اللى واثق فيهم بس

2-لو خيروك بين صديقك وحبيبك فمن تختار؟؟
صديقى لان الصديق مش بتعوض تاني لاكن الحبيب ممكن يتعوض

3-من هو الشخص لذى تكرهه بجد؟ومن هو؟
مفيش حد لانى مش بعرف اكره حد

4-من هو اكتر شخص تفكر فيه الان؟
دوقتى دوقتى مفيش حد هو اللى يقعد على الكرسي دا بيعرف يفكر فى حد هههههههههه

5-من هو الشخص الذى ترتاح عندما تراه؟
اامي واصدقائي


تسلملي يا ماجيك
انتيم انتيم يعني مش اي كلام

habiba كتب: يتقطع لسان اللى اتكلم وقال حاجة
بقولك اية انا لسة طالع من امتحان تشريعات وسبت الورقه فاضية وارفان ههيلا يا بيبة وربنا معايا

1_أسوأ خبر سمعته في حياتك ونكتفي بخبر واحد.؟
اسوء خبر سمعتة فى حياتي يا ستيييييييييي موت عمتي


2_"تجري الرياح بما لا تشتهي السفن"
كم من المرات التي جرت فيها الرياح عكس آمالك وطموحاتك
وهل توقف طموحك أمام أول عاصفة عاتية من المصاعب؟؟
تصدقي بالله لو جالى السؤال دا فى الامتحن مكنت جوبت علية بس يلا اعمل اية حكم القوي
اتت كتير بس الحمد لله بستحمل وبكمل وربنا معايا
3_.ماهي الامنية التي لا زالت ترافق طموحك ولم تتحقق الى الان ولا زلت تنوي تحقيقها
وما هي الامنية التي عدلت عنها لاسباب قهرية ...؟؟
التي ترافق طموحي هى اني اخلص الشقة ههههههههههه ولم تتحقق حتي الان بس هتتحقق
مفيش اماني عدلت عنها ولا سعاد4_من أين تستمد قوتك ؟؟ وأين تقضي لحظات ضعفك ؟؟

5_جملة أو عبارة لا تنساها أبدا ؟؟
اللى يكبر ياما يشوف واللي يلف يشوف اكتر ـــــــــــ وسعات كتير المظاهر بتخدع 6_ايه رايك فيه يا كابو؟
انتي ياستى اخت وبنت زي العثل حلوه وشقية وعثل
عثل والنبي عثل ههههههههه

7_ما هو شعورك عندما تتلقى صدمة من عزيز ؟
ممكن يحصلي حاجة ودا اقلل حاجة ممكن اقولها
8_وزنك كام كيلوا يا كابو هههههههههههه؟
مش عارف بيتهيقلي 59 بااااااااين والله اعلم هههههههه
9_لو قدامك شخص اعمى وطلب منك ان تصف له اللون الاحمر .. كيف ستشرح له ؟
هههههههههههههه هعور نفسي ومسكة الدم فى ايدة ههههههههههههه
اصل انا مش بحب اللون الاحمر اد كدا ولو كنتي جيتى فى دكر بط ههههههههههه
10_اين تجد كبريائك ؟ ومالشي الذي يحطم شموخك ؟
انا معنديش كبرياء ممكن بس عندي عزة نفس مش اكتر
والشئ اللى يحطم شموخى ان حد يحرجني باي حاجة


11_مين المؤثر في نفسك اكثر .. بكاء الطفل .. ام بكاء العجوز ؟ ولماذا ؟
بكاء العجوز وااااااااااه لوكانت فقيرة او محتاجة بصى بقا انا مش هقدر اوصفلك احساسى اية ساعتها والله بعيط

12_لو اختفيت عن هالكون لمده طويله وحان موعد ظهورك من جديد .. اين تريد ان يكون اول ظهور لك ؟
يكون ظهوري امام امي عشان بجد هتكون وحشتني

13_ لو عندك 3 وردات .. وحده حمرا والثانيه بيضا والثالثه صفرا .. لمين تهدي كل منهم ؟

الحمراء لو انتى بتحبيها خديها هههههههههه
والبيضة لاصدقائي لانها بتدل على الصفاء والحب كل اصدقائي
والصفرا لواحدة كدا قلبها مش صافى لانها بتدل على الغيره والحقد
14_من هو ملاذك الوحيد من ابناء آدم وحوا ؟
مش فاهم السؤال بصراحة وضحية الدور الجاي بس يريت متكتريش عندي امتحنات15_صعب دمعه ذرفتها عيونك .. متى ؟
اصعب دمعا دمعة الحزن على عمتى ودمعة فراق حبيبي



16_لو الزمان سيعود بك للماضي .. ماهو الشي الذي تريد تصحيحه عندها ( في الماضي ) ؟
عودي انتى لاسألتك او اسألة سجدة شوفى انا جوبت وقلت اية اصل مش فاضى اجاوب بصراحة
17_متــى تشعــــــر بالـوحده ؟
بالليل وانا قاعد لوحدي اسمع اغاني غير ماكنت متعود



18_( إتق شر الحليم اذا غضــب ) هل جربت يوماً ما غضب الحليم ؟
لا الحمد لله لاني عمري مظلمت حد غير واحدة والحمد لله مش حليم



19_داخل كل منا طفل صغير .. فمتى يظهر الطفل الموجود في داخل كابو؟
عندما العب مع ولاد اخواتي ولما اقف قدام امي



20_هل في نظرك .. فرق بين النفاق والمجامله .. وضح اجابتك ؟
لا مفيش فرق لان الاتنين مش حقيقة كدا كدب وكدا كدب برضة ولا اية

ماشى يا بيبة هقول اية مهو يومك عدى
يارب يارب انت عارف اللى فيا

el soghier كتب: اهلا بيك يا قمر حمدالله على السلامة يا ابو حميد والله ليك وحشة يا صغير
وحكاية البيض دي بقا سبلى ممس والله لورية ماشى هه



1- لو انتا ماشى فى الشارع وفجأة كدة وبدون مقدمات قبلتك وحدة ربنا وحدة اللى يعلم هيا عملة الزاى وقالتلك انا بشوفك كل يوم وبحبك هتقولها اية ؟
والله يا احمد سعتها الله اعلم بس انا دلوقتى اصلا مبفكرش احب تاني لان كفايا لحد كدا وشكلى كدا والله اعلم هتجوز جواز صلونات هههههههههه

2- مين اكتر واحد فى المنتدى بعد ميمى والماجيكووووووو تقدر تأتمنة على اسرارك ؟
والله هماكتير بس منهم ( حبيبة _ سجدة _ كباكا _ وانت يا باشا دا اكيد يعني )


3- لو عندك عربية وعطلت منك ولقيت تكلفى العربية فى التصليح تساوى نفس تمن العربية بالتاكيد هتجيب عربية ثانية صح لو شبهناها بالصحاب هتعمل اية ؟
مش فاهم السؤال بس هجوبك يعني لو شبهنا ان الصحاب بتقدم زي العربيات تبقى غلطان انت يا ابو حميد لان الصحاب مش ممكن تتغير لان الواحد الايام دي بيتعب اوي لما يلاقى صاحب بجد يبقى هيغيرة هما اصلا فين الصحاب بص يا ابو حميد انت لو عرفت حد زي (ايمن ووائل ) مستحيل تغيره لان من الصعب انك تلاقية بجد

والله ان شاء الله اما افتح المحل هبقا اعمل حسابك فى اللى انت عوزة يزلك ربنا يا ممس فى اوضة عتمة ومحد يفتحلك نور يا رب

sagda كتب:
ونقول مرحبا بسجدة وهنرد اهون بس ياريت تكون سهلة يا رب
1- فى رأيك هل الحب تاج على رأس المحبين ولا الحب مجرد اسم جديد للعذاب ؟
اللى انا شفتة هقولك انة اسم جديد للعذاب وعلى رأي ميمي الحب جزمة والفراق ورنيش ههههههههه

2- كم مره عيشت الحب ؟ لو اكتر من مره اى مره فيهم اثرت فيك اكتر وليه ؟
بصى بقا انا كلمت بنات كتير بس محبتش غير واحدة بس

3- ايه هو السؤال اللى احتارت وفكرت الف مره قبل ما تجاوب عليه وانت ع الكرسى ؟
لو قدامك شخص اعمى وطلب منك ان تصف له اللون الاحمر .. كيف ستشرح له
لاني بجد احترت اورهولو ازاي ههههههههههه

4- ايه هو السؤال اللى كنت خايف اوى انك تتسأله ؟
السؤال اللى حبيبة سألتة اللى هو انها خيرتني بين وائل وايمن

5- ياترى توقعت سؤال معين ولسه محدش سأله خالص ؟ لو اه ايه هو السؤال وياريت تجاوب عليه ؟
لا الحمد لله متوقعتش

6- تحب تقر وتعترف بايه امام كل اعضاء المنتدى قبل ان تغادر كرسى الاعتراف ؟
انهم كلهم بجد اخواتي وبجد نفسي اشوفهم بخير

لو قولتلك وجه كلمة ( شكر ـــ اعتزار ــــ عتاب ــــ حب )هتقول ايه ولمين ؟
شكر _ لامي لانها بجد مستحملاني هههههههههه
اعتزار _ لاى حد ظلمتة
عتاب _ لحب مكنش يستاهل
حب _ لاصدقائي وامي

والله كانت اسألة خفيفة ويارب منها على طول ههههههههههه
تسلميلي يا قمراية