ثالث عضو ع كرسى الاعتراف اااااااه ميمى

habiba كتب:
الهاتف الذى طلبته غير مرجود بالخدمه والرجاء عدم المحاوله مره اخرى
1_ قولى يا ميمى اتغديتوا ايه النهارده؟
اتغدينا فراخ ومعدش عندنا غدا ومش هقولك تعالى نغديك
2_ لو حد جه وقالك ان كابو بيحب حد من اهل بيتك وكان مخبى عليك هتعمل ايه؟
اولا انا متاكد من اهل بيتى ومتاكد من صاحبى بس لو حصل معرفش اقولك انا ممكن اعمل ايه ساعتها
3_ما هو مبدأك في الحياة ؟
انا بابايا قالى كلمه اعرف اللى يحبك ومتعرفش اللى تحبه
4_هل تؤمن بلصدفه؟
نعم نعم
5_ من الشخصيه اللي في المنتدى تحب تجلس معاه وش لوش؟
الصغير

6_ماهو المستوى التعليمي اللي انت فيه الان؟؟
الصف الثالث الثانوى وعندى امتحان كمان اسبوعين هتيجى تمتحنى مكانى ولا ايه
7_ما هو اكثر شيء .. استفدته من النت .. ؟؟
زياده مستوى التفكير شويه

8_ماهــــو الامتحـان الاصـــعب في الحـيـاه بالنسـبه لكِ؟
الحفاظ ع الصداقه
9_ما الفرق بين الشجاعه والجرأه والتهور!!! برااايك انتِ ؟؟
الشجاعه والجراه لو وجدو فى انسان اسميه راجل بجد
اما التهور ده بقى الغباء بعينه

10_ ماهى اصعب ذكرى بقلب ميمى؟
سفر اختى

11_شخص يسمع صداك؟؟
امى

12_شخص ترى انعكاسه في روحك؟؟
اخى

13_عندنا تنجرف دموعك أين يذهب تفكيرك ؟
الى السماء يعنى الى مكان هادئ واجلس منفردا

14_ماهو افضل وقت عندك؟
عندما اكون مع اصحابى بس نبقى كلنا

15_ماهو ترتيبك بين اخوانك وانته شرير ولاطيب؟
انا الاخير وانا ع ما اظن طيب

16_ماهو الشئ الذي تخاف منه ويشغل بالك اكثر من بقيت الاشياء؟
انى افشل فى النجاح فى السنه دى

17_متى تحس نفسك غير قادر على العطاء؟
عندما اكون انا محتاج حد يعطينى ويبقى جنبى

18_ عندما تنظر للسماء مع تنهيده طويله مع لمحة غروب ... ماذا تقول؟
ااااااااااااااه الله
عايز انام

19_ماوجه الشبه بين الحلم والخيال ؟.
مفيش وجه شبه لان الحلم مبنى ع الخيال اساسا

20_من هو العضو الذي اذا رأيت اسمه قولت الله يستر من سؤاله ؟
حبيبه

21_من علمك درسا بالحياه ..
الزمان

22_ما رأيكِ بهذه المقولة .. أن الرجل يشبع غروره بكسر قلب إمرأة تحبه؟
ده يبقى الراجل المجنون

23_ماهي ردة فعلك عندما يظن بك أعز ُ أصدقائك ظن السوء ؟
اروحله فى وشه واقوله انا غلطت فى ايه ولو كنت غلطان استحمل اللى يعمله بس لو مكنتش عملت حاجه اقوله لحد هنا وكفايه

24_ما هي طموحاتك التي لم يحالفك الحظ في تحقيقها ؟
انى اعمل حاجه اريح بيها والدى واخليه يبطل سفر

25_كيف هي حال مشاعرك هنا ؟
هنا فين حرام عليكى
مع رؤية عزيز قوم ذل !
والله منا فاهم السؤال
مع اندثار حضارة!
الله اعلم
مع وداع حبيب !
ببقى حاسس انى هموت وبالذات لو كنت غلطان او معرفش هوه هيبعد ليه
مع بكاء طفل !
ببقى حاسس انى عاوز اقتله وبالذات لو كنت نايم وصحيت ع صوته
26_نت امام لوحة سلبت انتباهك وحلقت بك بعيدا .. ماهو شعورك بعد مغادرتها ؟
احس انى ماشى ناقصنى حاجه

27_لكل إنسان لحظات يختنق فيها إلى درجة الهلاك..فماهو أكثر شيء يؤلمك.....؟
فراق الاحباب

28_ما احب الأسماء إلى قلبك؟
محمد
29_من من الناس يحتل المساحه الاكبر من قلبك ؟
امى
30_من العضو اللى
بتتمنى رؤيته؟
الصغير
بتتمنى ايقافه؟
حبيبه والعضو اللى اسمه 102040
بتتمنى عودته؟
الصغير
بتتشاق دايما لمواضيعه؟
كل الاعضاء
يقهرك
حبيبه عندما ارى اسئلتها
المسامح كريم يا حبيبه
وعليكم السلام ومتنسيش تاخدى الباب وراك علشان هنقفل بقى

sagda كتب:تصدقو بالله انا مش بقيت لاقيه اسئله اقولها بعد كدا

حبيبه خلصت كل حااااااااااااااااااااجه

والله حراااااااااااااااااااااااااااااااااااام

يا مفتريه كنتى سيبلى حاجه اسأل فيها يلا يا بت امشى من هنا

الكابو كتب:بص يا ممس انا مش عارف اسأل ولا مسألش بس هسأل عشان ابعد الشبهات عننا هه
الحمد لله ماشفهومش وهما بيسرقم شافوهم وهما بيتقاسمم
1_اصدقائك هم حياتك ام جزئ منها ؟.
مفيش حد فى الدنيا اصدقائه كل حياته
2_احكلنا عن اهم المواقف اللى فى حياتك ؟
لالالالا دى كتير ودى عاوزه قعده وشيكارتين اسمنت بقى ومتعيدوش تانى لانى مش هجاوب عليه
3_كلمة تحب ان تهديها لى انا ؟
انت اخويا يا( مسعد) كده هنخلى ناس تشك فى نفسها فاهمنى طبعا
4_رأيك فى الحب اية ولية انت مش بتحب تجرب تاني ليييييييييييية ؟
رايى فى الحب انه اجمل شئ فى الدنيا للى يحسك فيه ليييييه دى بقى حاجه ترجعلى انا وانا عمرى مهحاول انى اجرب تانى الا لو لقيت الانسانه المناسبه
5_كلمة توصف بيها نفسك ؟
انا ميمى
6_من هم الماجيك ــــــــ الكابو ـــــــ حبيبة ـــــــ سجدة ـــــــ الصغير من وجة نظرك؟
الماجيك والكابو والصغير اخواتى الصبيان اللى مش من ابى وامى
اما سجده وحبيبه اخواتى البنات اللى مش من ابى وامى
7_اكتر اغنية بتحبها ـــــــ واكتر كلمة اثرت فيك ؟
اغنيه هبه يوسف بتاعت تعبت عيونى
واكتر كلمه اااااه لو حس قلبك يوم بحالى
بحس انها بتتقال علشانى انا
والله منا عارف كان لازم انجر من لسانى واقول نعمل كرسى اعتراف علشان نتعرف ع بعض اكتر دا انا بضرب نفسى بالجزمه دوقتى
[/i][/b]

habiba كتب:
يارب تنجحى يارب بس انا مش عاوز كده ولاانا عاوز يتم ايقافك بس انتى اللى بتطرينى لكده بس لو انتى بتسالى زى الناس مكنتش اتمنيت ايقافك

1_ما الجانب الآخر في شخصيتكِ والذي تعلنه هنا لأول مرة ؟
انى ببقى ضعيف امام انسان لاول مره بتكلم معاه

2_متى اخترت اختيار وقلت في داخلك نعم هذا اختياري الابدي؟
ياااااااااااااااااااه من زومان ومتقوليليش ايه هوه

3_ماهي أحلى ابتسامة واجهتك في حياتك وممن تلقيتيها؟
يااااااااااااااااااااه
دى كانت احلى ابتسامه فى حياتى
من ابن اختى اول ما بدأ يتكلم كان بيقولى يا بابا
وتشوفيها بقى وهوه بيقولها تتمنى انا يفضل يقولها ع طول

4_متى تبكي مشاعرك أكثر من عينيك ؟
عندما احس انى اتظلمت ومعرفتش اجيب حقى من اللى ظلمنى

5_ الرومانسيه عالم من الخيال هل الحب خيالى ؟
الحب واقع بس لو مش متكافئ اقدر اقول عليه خيااااااااااااااااااال

6_في ميزان الحياة ...

أيهما يرجح أكثر .. ( الفرح أم الحزن ) كفاك
والله انا شايف ان الانسان هوأكتر واحد يقدر يحدد ميزان حياته
ويقدر يحدد هو عايز يرجح ايه
لان الانسان هو الوحيد اللى يقدر يحدد حياته سواء فرح او حزن
يعنى هو اللى يقدر يسعد نفسه اويكون سبب فى تعاستها
وبكدا يبقى هو اللى رجح الكفة اللى هوعايزها
وأتمنى ان كل حياتنا ان شاء الله يكون الراجح فيها كفة الفرح دايما

7_أذا حبيت أحد على اي اساس تحب ؟؟؟؟
الادب والاحترام

8_طلب منك واحد عزيز على قلبك طلــب تقدر عليه
لكنه يخالف مبادئك وقوانينك .. ماذا تفعل ؟
اعتذر عنها لان اللى مرضهوش ع نفسى مرضهوش ع غيرى

9_سؤال دوما يجول في خاطرك .. ولم تجد له اجابه شافيه ومنطقيه .. ماهو ؟؟
لا الحمد لله مفيش اسئله

10_عادة لديك يصعب عليك
تركهاا؟؟ولماذا؟؟
انى اربى حمام لان ده بحس انه كاتم اسرارى الوحيد
الحمد لله يارب يكونو خلصو خالص واموت واعرف انتى بتجيبى الاسئله دى منين
قولنا خدى الباب وراكى علشان عاوزين نقفل بقى


وعليكم السلام ورحمه الله وبركاته

princess كتب:
ربنا يخليك ليا ويرزق حبيبه بحته قضاء وقدر


1- هل مفاجأت جلوسك على كرسى الاعتراف لها وقع فى نفسك؟وما هو شعورك وانت على الكرسى
اكيد لها واقع فى نفسى ويا سلام بقى كده وانا بقدم نفسى كان نفسى الكيبورد يتكسر 100حته
وشعور وانا ع الكرسى انى اقتل حبيبه لان هى اللى زلانى وانا ع الكرسى بجد

2- ايه موقفك من الحب؟؟وهل جربته؟؟وهل تأمن بوجوده؟؟
اللهم ابعده عنا وانا لسه مجربتوش
وانا اؤمن بوجوده لانى شفت ناس بتحب بجد وعلى اد اما شوفت ناس بتحب بجد شوفت ناس بتتفنن فى الخيانه واللعب بالغير

3- هل انت تحب ان تحب اكتر ولا انك تتحب؟؟وايه ممكن بالنسبالك يبقى الاول؟؟
انى اتحب لان من حبنى جعلته تاجا ع راسى
وبالنسبالى يبقى الاول انى اتحب برده لانى لو اتحبيت من الغير هقدر انى احب غيرى
ومن القلب للقلب مرسال

4- ايه اكتر شىء بيضيئك وبتعمل ايه علشان تبعد عنه؟
انا حد يحصله مشكله بسببى وعلشان كده مبرضاش انى اعمل مشاكل مع اى حد

5- من الشخص اللى مستعد ان تضحى بحياتك من اجله؟
امى

6- هل انت من محبين السلطه والمال؟؟؟؟
لا طبعا لان السلطه والمال مبيعملوش راجل لا دا بالعكس الراجل هوه اللى بيعمل السلطه والمال وده بقى ع حسب ذكائه والطريق اللى هيمشى فيه علشان يعملهم

7- لو اقرب الناس جرحك تعمل ايه؟
امحيه من حياتى خالص

8- ايه الحاجه اللى نفسك تغيرها فيك؟
انى احب الحب

9- هل ندمت فى حياتك على شىء معين؟
انى ماخدتش موقف عندما دخلت ثانوى غصب عنى

10- هل انت رومانسى؟؟؟؟
مش ع طول لان مينفعش تبقى رومانسى ع طول ولا ينفع تبقى متشدد ع طول

لا والله اسئه خفيفه لطيفه ظريفه
يا ريت من دا ع طول
انا عايزه من ده يا حزمبل انا عيزه من ده

الكابو كتب:

مييييييييييين اللى اذنلك واداك الاذن انك تسال ولا انت بتتكلم وترد ع نفسك
1_تختار مين يمسح دموعك هه مييييييييييييييييين حدد ( انت اللى تمسحها ــــــــــــ امك ـــــــــــ صاحبك ــــــــ اختك ــــــــــــ اخوك ـــــــــــوبلاش ابوك هههههههه ) ؟ ولماذا ؟
انا اللى امسحها علشان انا متحوجش لحد ايا كان
2_ السؤال دا انا رفعة فى موضوع بس يلا اسألة لو كتبت لحياتك عنوان هتسمية اية ؟
احزان ميمى
3_ شئ غير من مجرى حياتك ؟
دخولى ثاااااااااااانووووووووووى
4_ كلمة قولتها وندمت عليها ؟ ولمين ؟
عمرى ما قولت كلمه وندمت عليها انا ممكن ابقى عايز اقل كلمه ومرضاش علشان اللى هقولهاله ميزعلش منى وبرجع اندم بعد فوات الاوان
5_ كلام شاغل بالك الايام دي اية هو ؟
قليل البخت عضه الكلب فى المولد
واظن انت والماجيك فاهمنى
6_ مين اكتر انسان بتحس ان شخصيتة قريبة منك واوعى تقول انا ؟
انا بيتهيالى انى جاوبت ع السؤال ده قبل كده وقولت انه مش شخص قولت انه قلبى
7_ مين من الممثلات تحب ان تكون زوجتك ومتقولش مفيش حدد واحده عادي يابني دا سؤال عادي جاوب متخفش ؟
سعاد حسنى الله يرحمها
8_ انت قولت هتحب لما تلاقى الانسانة المناسبة اية بقا مواصفات الانسانة المناسبة ومتقولش محترمة عادي قول اي حاجة؟
انا مش هجيب واحده محترمه انا هجيب واحده تربيه شوارع ايع يا عم انت فى ايه
انا هقولك المواصفات علشان تفصلى واحده عند الخياط اوك
اولا التدين
ثانيا الادب والاحترام
ثالثا العيون
رابعا الشعر ميكونش كنيش بقى تصحى من النوم متلاقيش جنيه جنبك يعنى يكون شعرها حلو فى المعقول
خامسا واخر وصف عندى علشان تلحق الخياط وركز ع الوصف ده بالزات الجسم ميكون من الحجم العائلى يكون جسمها متناسق مع بعضه كده
وانا فاهم قصدك بالمثل اللى انا قولته ده
بس انا عندى مثل احسن ابو بخت مايل بخته مايل طول عمره
وافهمها زى ما تفهمها لان هى ملهاش اللى مفهوم واحد بس
وان شاء الله هقصيلك لسانك ال7 متر ده

habiba كتب:يلهوووووووووى يرزقنى بقضاء وقدر يلهوى يخص عليك يا ممس بجد انا زعلانه طب تصدق ده انا دخلت النهارده عشان اسئلك وانا قولتلك مش هسالك ماشى خليك فاكرها بكره هتلاقى حوالى 30 40 سؤال كده با ى باى وبرضه زعلانه ومش تحاول تكلمنى بقى هه :

الماجيك كتب:
اللى يحيرك هاتهولى يا ماجيك وما لكش دعوه
1-ماذا تفعل لو نكلم احد بلسانك بكلام لم تقوله؟
انا فى الحاله دى ممكن اتجنن عليه اقتله لان دى الحاجه الوحيده اللى بتعصبنى بجد
2-حسبى الله ونعم الوكيل تقولها لمين؟ وليه؟
انا اقدر اقولها لعمى
لانه بجد خنيق وبيدخل فى اللى ملهوش فيه
3-هل تقف حياتك من اجل امراة؟
لا طبعا انت فى مخك حاجه ولا ايه
4-هل انت سعيد ؟ولماذا
انا مش سعيد انا ايمن والله
بس حاليا مقدرش اقول اذا كنت سعيد ولا لا لان فى حاجات مستقبلى كله واقف عليها
5-ما هى اجمل ذكرى فى حياتك
ايام اما ابن اختى اللى امامك ده بدا الكلام
محترم يا ماجيك من يومك بس اوعى تقلب عليا دا بكره اخر يوم حبيـــــــــــــــــــــــبى

MIROO كتب:


1)ما هى نظرتك لشابين احدهما عصرى والاخر متدين
انا برجح الشاب المتدين افضل بس ميكونش متعصب
اما الشاب العصرى صاحبى وحبيبى بس ياخد من العصر اللى يناسبه ويكبره فى اعين الناس مش يعمل اى حاجه طايشه علشان يبقى عصرى وبس

2)ايه رايك فى الموضه لازم الكل يمشى عليها ولا يختار اللى يناسبه
كل واحد بيختار اللى يناسبه لان مش كل واحد دماغه مش زى التانى ولا انا غلطان

3)هل تقرا القرآن وتداوم عليه
انا بقرا القران بس الاغلبيه فى رمضان

4)هل تحفظ اسماء امهات المسلمين وفى اى منهم تتمنى شريكه حياتك
يعنى مش كلهم بس اتمنى اللى تكون شريكه حياتى مثل امنا خديجه بنت خويلد عليها رضوان الله

5)عمرك مره حسيت انك عاوز تتكلم مع الله وليه
طبعا لان اوقات كتير بحب اشتكى همومى لله تعالى
وعلى راى المقوله اللى بتقول (الشكوى لغير الله تعالى مذله).

6) انت بتحب دراستك ولا فرضت عليك
لا فرضت عليا

7)ايه رايك فى الزمن اللى بنعيشه دلوقتى
زمن غدار لان كل واحد بيضحك ع التانى بس ممكن يكون احسن من الزمن اللى جاى

8)انت بتحب تقرا وايه اكتر الكتب تشدك لقرايتها
القراءه مش من هواياتى اوى بس لما اقرا بحب اقرأ من ع النت علشان اقرأموضوعات متنوعه فى نفس الوقت مش موضوع واحد

9)انت راضى عن نفسك
الحمد لله

تنورى فى اى وقت وفى انتظار اى سؤال منك يا ميرو